Ekipa Neon Metin
Liuhusi dadus ne’ebe Neon Metin asesu liuhusi Ministeriu Solidariedade Sosial no Inkluzaun (MSSI), liuhusi direasaun Institutu Seguransa Sosiál (INSS), relata katak lista elijivel ka lista pagamentu aprovadu ba subsídiu ferik, katus no Ema ho Defisíensi inklui lista adisional ba faze primeiru ne’ebé Ministério da Solidariedade Social e Inclusão (MSSI)-Institutu Seguransa Sosiál (INSS) fo sai katak ba Município de Lautém ne’e total hamutuk tuir kategoria ferik katuas no ema ho defisíens mak hanesan tuir mai ne’e:
Total benefisiariu sira Ferik Katuas nain 5.980 benefisiarius no Ema ho Defisíensia nain 292 benefisiarius. Total emjeral hamutuk 6.272
Orariu ne’ebé mak determina husi BNCTL Sukursal Município de Lautém ohin Dia 07 Julhu 2022 komesa selu ona subsídiu Ferik Katuas no Ema ho Defisíensia sei remata iha Dia 12 Agosto 2022.
Aleinde ne’e Centro de Solidariedade Social do Município de Lautém mos hakarak informa katak BNCTL sei la ezizi ba benefisiarius sira Ferik Katuas no Ema ho Defisíensia tuan no foun atu aprezenta Bilhete Identidade (BI)ba pagamentu periudu ida ne’e. Maibé benefisiarius sira Ferik Katuas no Ema ho Defisíensia sira sei iha tempu tinan ida (até 29 Maio Tinan 2023), atu aprezenta identidade seluk hanesan Bilhete Identidade (BI) ka Passaporte konforme instrusaun númeru 05/2017 no autorizasaun husi BCTL ba BNCTL, ba abertura konta no retensaun idade.
