Home Notisia Komunidade Railaco Nian: Tenke Dada Bee Moos, Hadi’a Sistema Edukasaun, Saúde no...

Komunidade Railaco Nian: Tenke Dada Bee Moos, Hadi’a Sistema Edukasaun, Saúde no Agrikultura

2252
0
Komunidade Rai laco nia lian. [Foto: Silvino | 10.05.2023]

Reportajen David da Costa

Komunidade iha suku Lihu, Postu Administrativu Railaco, Munisipiu Ermera, iha esperansa boot ba iha nonu governu mai katak tenke dada bee moos ba komunidade, hadi’a Sistema edukasaun, aumenta rekursu umanu saude nian, Estrada, eletrisidade nomós agrikultura tanba iha Railaco ne’e iha kafe ne’ebé maka barak.

Komunidade husi suku Lihu, Postu Administrativu Railaco, Munisipiu Ermera, Hermenegildo Soares, hateten, Problema ne’ebé mak sira hasoru iha suku ida ne’e maka bee moos, tanba iha tempu udan uza udan been hodi fase roupa sira, bainhira udan la mai, mane, feto no labarik sira lori roupa sira ne’e ba iha mota mak foin fase. Iha ne’e menus rekursu umanu iha saude, komunidade balun la asesu ba liña eletrisidade, nomós eduukasaun tanba dalabarak lori labarik sir aba eskola tenke lori kadeira husi uma ba eskola atu nune’e labarik sira bele tur iha leten hodi estuda no hakerek.

“Ami nia esperansa ba governu foun mai maka bele dada bee moos ba ami, hadi’a Sistema edukasaun tanba iha eskola buat barak sei falta maka meza, kadeira, bibloteka sei menus, aumenta tan rekursu umanu iha sentru saude nian, hadi’a esstrada, dada liña  eltrisidade ba komunidade sira tanba iha ne’e ema balun seidauk asesu nomós hadi’a setór agrikultura iha ne’e tanba iha Railaco ne’e iha kafe barak,” dehan Hermenegildo ba Neon Metin, iha Suku Lihu, Postu Administrativu Railaco, Munisipiu Ermera, Tersa 9/05.

Iha fatin hanesan Madalena da Cruz mós hateten, durante iha ne’e, problema ne’ebé maka komunidade sir hasoru maka, menus rekursu umanu  iha sentru saude atu atende ba pasiente, menus bee moos, estrada aat.

“Ha’u nia esperansa ba nonu governu mai, partidu se de’it maka mana hodi ba tur iha  parlamentu karik bele resolve problema ne’ebé maka ami hasoru hanesan bee moos, saude no kria edukasaun ne’ebé maka di’ak ba ami nia oan sira, hadi’a ami nia Estrada para ami bele lori ami nia produtu sira ba iha merkadu,” nia esperansa.

Nune’e mós Abrão Soares Marçal, hateten, problema ne’ebé maka komunidade sira hasoru durante ne’e maka bee moos, estrada, tanba estrada aat entaun komunidade labele lori nia produtu sira ba iha merkadu. Problema seluk tan maka eduksaun saude, no agrikultura.

“Ha’u nia esperansa ba iha governu foun mai katak, partidu se de’it maka manan hodi forma nonu governu, tenke haree ba problema ne’ebé maka ami komunidade iha area rural sira hasoru ne’e, labele iha tempu kampaña maka halo promesa de’it maibé ami nia hakarak maka imi tenke resolve problema ne’ebé ami hasoru maka bee moos, estrada, agrikultura liuliu ba iha edukasaun,” nia esperansa.

Entertantu Olinda Maia De Jesus, hateten,,durante ne’e sira hasoru problema maka bee moos, tanba iha tempu bailoron bee susar loos, no fase roupa mós ladiak, entaun komunidade sira ne’e, tenke tun ba iha mota maka foin fase roupa, no poblema seluk no estrada ladiak, bainhira estrada ladiak komunidade labele lori nia sasan ba iha mekrkaddu.  Tanba ne’e, nia iha eperansa boot ba iha governu foun mai katak, bele  hadi’a problema sira ne’ebé maka sira hasoru iha area rural ne’e

“Ha’u iha esperansa ba governu foun mai, bele hadi’a ami povu nia moris, labele iha tempu kampaña maka halo promesa tun sae hodi kasa ami povu nia votus,” nia esperansa.

Print Friendly, PDF & Email

LEAVE A REPLY

Please enter your comment!
Please enter your name here