Reportajen Juvinal Cabral dos Santos
“Salariu ha’u nian labele han mesak, sira mak hili ita fo fila balun ba joven, ha’u labele hateten sira ne’e uluk hili ka vota ba ha’u ka lae, maibe haree ba joven sira mak hau hadomi” Deputada Olinda
Deputada Olinda Guterres husi Partidu KHUNTO, ne’ebe hetan fiar husi eleitor sira, halo atividade agrikultura iha Hera – Akanunu. Iha entrevista ho Neon Metin iha loron 21 Janeiru 2024, Deputadu ne’e hateten, fo serbisu ba joven sira ne’ebe hala’o hela sira nia estudu iha universidade, liuhusi atividade agrikultura ka kuda modo iha to’os iha Hera.
Deputada ne’e esplika, nia fo ema sevisu maibe rotativa nain lima ka neen mai uluk, kuandu servisu mak sente kolen hakarak deskansa nia fo kedas osan ba trabalador sira nia saláriu, kada fulan ema ida $150.00, loron ida sigaru masu ida inklui han hemu, kafe dader lorokraik deputada ne’e mos prepara toba fatin dader tuku 07:00 hader no tuku 08:00 matabisu hodi servisu total trabalador mane nain 8 feto nain Ida ne’e kusus te’in ba sira servisu nee
“Ha’u hanesan membru Parlamentu nia ema, dalabarak kolega sira husi opozisaun no bankada governu nia mos kestiona nafatin ita nia joven sira ba hotu ona rai liur, hodi buka moris, entaun ha’u baibain ba kolega sira nia uma haree sira nia brinjela hun ida mos laiha ho nune’e ha’u iha hanoin ida loke took kampu traballu joven sira tanba iha ne’e ha’u iha rai” tenik Olinda
Nia hatutan traballadór sira ne’ebé servisu ho neon no laran nia prontu fo saláriu ninian kada fulan iha data 22 simu prontu fahe ba sira, haruka laen hola hahan uma laran nia mak fo selu traballadór sira agrikultór
“Ha’u haree sira servisu kapas tebes dalaruma ha’u hader tuku 07 ho balun sira iha toos laran ona maibe ha’u hateten ba sira toos ne’e laos ha’u nian, imi servisu ne’e imi nia osan ne’ebe hetan husi toos ne’e mak hodi selu ba imi duke imi ba servisu rai liur familia ruma mate atu fila susar tebes”, dehan Olinda Guterres
Deputada ne’e esplika nia loke kampu traballu ba joven sira tuir nia kbiit ne’ebé mak iha, haki’ak fahi iha luan ida ho fahi i38 no ida seluk fali iha 4, iha mos kolan ikan, kona ba agrikultura sira kuda berinjela, baria, modo, fore, ai-dila, batar no seluk tan.
“Modo sira ne’e atu faan iha oin rua ka tolu ema sra ne’ebé atu hola hatene ona brinjela saku ida $2 ka $3, aidila funan karon ida $15 fuan $5 komforme sira ne’eba faan hira ha’u tuir ida ne’e labele estraga kolega sira ne’ebé faan uluk ona, ha’u servisu estadu nia mos halo fila husi ne’eba mai tenke ajuda sira servisu laos haree de’it maske ha’u idade 74 maibe la halo sala buat ruma ne’e mak maromak fo tulun nafatin ne’e” dehan Olinda
Iha kampaña partidu hotu-hotu nia programa mak agrikultura, peskas, edukasaun maibe agora defisil uituan ema barak hanesan ne’e atu ba servisu ne’ebé, se nain ulun sira la loke kampu traballu ba joven sira aban-atu ba ne’ebé, Deputada kestiona
“Orsamentu Jerál Estadu 2024 ne’e iha plenária ha’u rasik dehan orsamentu ne’ebé atu haruka ba kada ministériu ne’e barak liu mak agrikultura tanba ne’e Timor nia ahi matan ona se ita servisu hotu estadu se mak atu halo toos natar para ita” dehan Deputada Olinda
Iha fatin hanesan traballadór Tito Menezes Jejus hatutan nia sente orgullu hetan oportunidade husi deputada halo toos servisu hanesan agrikultor kada fulan iha loron 22 simu kedas salariu $150.00 kada trabalador ida
“Ami nia hahan toba fatin Pae ho Mae mak oferese ami hela iha ne’e dader tuku 07:00 hader ona tuku 08:00 matabisu tama servisu to’o tuku 12:00 han meudia deskansa oituan kontinua fali servisu tuku 04:00 rega modo sira ne’e pas to’o tuku 5/6 deskansa ona dehan Tito iha toos laran Akanunu Hera” dehan Tito ba Neon Metin
Trabalador ne’e konta modo ne’ebe sira kuda mak Kanko, mostarda, brinjela, baria, baiam, modo oioin de’it mak sira kuda bainhira rai ne’e simu no modo sira ne’e sira rasik lori ba merkadu Taibessi kada semana ida dala ida, nia sente kontenti servisu ne’e bainhira remata SMP nia iha uma de’it la halo buat ida sente ladiak no servisu ne’ebé nia hetan diak tebes han hemu prepara hotu.
