Reportajen Neon Metin
Sentru Solidariedade Sosial no Inkkluzaun Lautem (SSSIML) ho Unidade Asistensia Sosial ho lideransa lokal sira, hala’o enkontru ho membru Rede Protesaun Labarik ba períodu Primeiru Trimestral nian, iha Salaun Postu Administrativu Lautém, Munisipiu Lautem, Kuarta-Feira (03/04/2024).
Enkontru primeiru trimestrál ne’e nia objetivu, hodi halo introdusaun kona-ba Rede Protesaun Labarik ne’ebé estabelese ona iha Postu Administrativu Lautém, no atualiza kazu husi fulan-janeiru to’o fulan-marsu 2024, inklui halo diskusaun kona-ba kazu sira-ne’ebé aprezenta husi membru Rede Protesaun Labarik iha Postu Administrativu Lautém.
Enkontru ne’e atu asegura Programa IX Governu Konstitusionál nian, ne’ebé hatete, Labarik iha direitu ba protesaun espesiál husi parte família, husi komunidade no Estadu, liuliu hasoru formas abandonu (ka, soe no husik hela), diskriminasaun, adopsaun, violénsia, opresaun, abuzu seksuál ho esplorasaun. Labarik sira goza direitus tomak ne’ebé rekoñese universalmente, no mós direitus ne’ebé konsagra iha konvensoens internasionais, ne’ebé Estadu ratifika ka aprova regularmente. Labarik sira hotu, ne’ebé moris husi matrimóniu ka lae, goza direitus no hetan protesaun sosiál ne’ebé hanesan ho sira-seluk. CSSIML
Partisipa iha diskusaun ne’e mak Diretór Sentru Solidariedade Sosiál no Inkluzaun Munisipiu Lautem (SSSIML), Paulo da Silva Pinto, Xefe Unidade Asisténsia Sosiál no Inkluzaun, Bensio da Costa Belo, Líder Komunitaria, Xefe Sukus na’in 10, Aldeias, Koordenadór Eskola Sekundáriu, Komandante Polisia Eskuadra Postu Administrativu Lautém, OPS Reprezentante Igreja, Reprezentante Sekretáriu Estadu Igualdade no Inkluzaun, no Reprezentante husi Autoridade Protesaun Sivil.
