Home Analisa Ha’u ne’e se? Quem sou Eu? Who Am I?

Ha’u ne’e se? Quem sou Eu? Who Am I?

2819
0
Casimiro da Silva. [Foto: Doc.privadu | 15.04.2024]

Hakerek na’in Casimiro da Silva

Ha’u ne’e se? Hanesan pergunta profundu ida ne’ebe seres humanos sempre kontemplado iha moris tomak. Ida ne’e sai hanesan keestaun ida ne’ebe investiga natureza husi ita nia identidade, ita nia konsiensia nomos ita nia existensia.

Iha sorin seluk pergunta ha’u ne’e se? Nia dezafia ita atu explora ita nia essensia hanesan ema no nia lori ita atu hateke kle’an liu ba ita nia aan, iha ne’ebe nia la para de’it iha atributu fiziku no ita nia moris sosial sira. Maibe, nia lori ita ba dok no kle’an liu atu hateke ita nia aan. Nia obriga ita atu hatene kle’an liu ita nia konsiensia no nia halo ita komprende kle’an kona ba aspetu sa ida mak forma ita hanesan individu ida.

Hosi prespective balu ita nia identidade hanesan konseitu ne’ebe fluidu, tamba nia forma husi esperensia, ita nia fiar, no ita nia interasaun ho mundu ka ita nia ambiente. Husi perspetiva ida ne’e “Ha’u ne’e se?” La’os entidade ne’ebe fixa maibe nia ba liu iha ita nia interasaun dinamiku ne’ebe sempre dezenvolve nafatin iha tempu ba tempu.

Husi komprendesaun filozofu balu sira dehan “HA’U ka ITA NIA AAN” hanesan ilujaun de’it nia la realidade ida maibe nia hanesan konstrusaun ida ne’ebe kria husi ita nia hanoin ba navigasaun komplexidade existensia nian. Hosi prespetiva ida ne’e pergunta “Ha’u ne’e se?” Hanesan odamatan ba iha introspeksaun ne’ebe kle’an liu, nia lori ita atu pergunta natureza husi realidade nian no ita nia prezensa iha ne’eba.

Ema balu uza prespetiva existensia ne’ebe kle’an liu, afirma katak essensia husi ita nia aan hakman aan ba kapasidade iha desijaun ne’ebe ita hili no kria valor moris nian husi ne’e. Husi prespetiva ida ne’e “Ha’u nee se?” kesi metin nia aan ba iha desijaun ne’ebe ha’u hili no valor moris nian ne’ebe ha’u kaer hanesan ema ida. Iha ne’ebe forma ha’u nia identidade no lori ha’u ba moris iha autentisidade.

Ikus liu atu hatete katak pergunta “Ha’u ne’e se?” Konvida ita atu halo jornada autodeskoberta ka buka hatene kle’an liu ita nia aan. Nia dudu ita atu ba hatene kle’an liu ita nia existensia.

HAU NE’E SE?

ATU DEHAN HA’U MAK HENA NE’EBE HA’U HATAIS MAIBE LABELE TAMBA HENA BUAT NE’EBE HAU UZA DE’IT.

ATU DEHAN HA’U MAK ISIN NE’EBE HA’U IHA MAIBE LABELE TAMBA NIA FORMA HUSI HAHAN NE’EBE HA’U HAN HUSI LI’UR. NIA, HANESAN MOS HELA HO HENA.

ATU DEHAN HA’U MAK HA’U NIA HANOIN MAIBE LABELE TAMBA HA’U NIA HANOIN FORMA HUSI ESPERENSIA NE’EBE HA’U IHA DURANTE HA’U NIA MORIS, NIA HANESAN MOS HELA HO HENA NO HAHAN. SIRA MAI HUSI LI’UR HOTU.

 TANE’E HA’U NE’E SE?

(Hakerek na’in nu’udar estudante Filozofia iha Saint Anthony Mary Claret College (SAMCC) Filipina.)

Print Friendly, PDF & Email

LEAVE A REPLY

Please enter your comment!
Please enter your name here