Home Notisia Vendedores Jardin Bairo Pite Sei La Husik Fatin Bainhira Governu La Kria...

Vendedores Jardin Bairo Pite Sei La Husik Fatin Bainhira Governu La Kria Kondisaun

745
0
Vendedór Jardin Bairo Pite Demetrio Marcal no vendedór Jaime de Araújo. [Foto: Rede ba Rai | 20.05.2024]

Reportajen Joselina dos Santos

Relasiona ba efiksaun ne’ebé mosu iha fatin-fatin no urjente Vendedores Jardin Suco Bairo Pite, Posto-Administrativo Dom Aleixo Município Díli, sei la husik fatin bainhira governu la kria kondisaun dignu ba sira. Tanba antes ne’e seidauk simu karta notifikasaun husi parte governu, maibe iha loron sexta semana kotuk Xefe Saneamento Munisipiu Dili  fó avizu urjente katak segunda ne’e tenke hamamuk fatin refere.

Vendedór Jardin Bairo Pite Demetrio Marcal, hateten ba Neon Metin,  dadaun ne’e Vendedor jardin  suku Bairo-Pite  hakarak kopera estadu tanba momentu ne’e sira avizu ona, maibe  seidauk hetan karta notifikasaun, mas derepente rona informasaun katak segunda ne’e tenke sai. Entaun sira ho laran triste no tauk tanba iha familia balun ne’ebé oan barak eskola no nesesidade loron-loron la sufisiente,  karik obrigatoriu hamamuk fatin kuitadu oinsa bele buka moris.

“Governu tenke rekoñese ba ema ne’ebé hela iha rai hahú husi 1991-1996 até agora, ami iha direitu tan ne’e koalia ho ami. Tanba sá ema estranjeiru hela iha timor tinan lima iha dureitu tanba sá ita rai nain governu halo ami hanesan foer,  governu fiar deit ba taxa ne’ebé fó aluga ba ema estranjeiru sira selu. Tanba ne’e husu governu labele hateke deit ba Uma laran sai mai baranda tun direita ba haree povu nia halerik labele hateke Liu deit, nomos haruka Timor oan barak ba buka moris iha nasaun seluk maibe Timor ne’e duni sai hanesan lixu”, dehan vendedór Demetrio Marcal iha Estudio Neon Metin Farol, sexta 17/05.

Nia dehan, Vendedores sira ne’ebé faan sasan iha Jardin Bairo-Pite hamutuk ema na’in 56, bainhira bikan ho kanuru ne’ebé doku ona ne’e hanesan buat ida karik hamlaha, maibe estadu hasai dadaun ona. Vendedór balun triste no trauma tanba kreditu osan hodi buka moris i ajénsia sira mós ejize beik-beik, liu semana ida ona maibe seidauk selu foti osan husi ne’ebé, nune’e husu Nai ulun sira haree ba povu nia halerik husi povu mak ukun nain sira hetan votus labele hamate povu. Tanba povu nia votus mak ukun-nain iha, labele husik povu toba ho halerik maibe boot sira  toba ho hakamatek.

Iha fatin hanesan, vendedór Jaime de Araújo hatutan, dadaun ne’e nesesidade obriga entaun vendedores sira pasiénsia se-an ba loron manas, maibe laran triste tebes tanba autoridade komunitaria sira la hakbesik atu husu problema ne’ebé sira infrenta.   Presiza  enkontru ho vendedores  nune’e bele fó solusaun tanba derefente fó ultimatu  katak loron tolu ne’e tenke hamamuk fatin, maibe estadu seidauk kria fatin entaun ida ne’e hanoin ba pasadu karik hanesan funu tanba halo ema tauk no trauma ne’e amiasa boot ida.

“Durante ne’e ami faan kualkér sasan no hahan, ezemplu uza ho  modal $ 100 maibe karik faan mak sasan seluk ema la sosa entaun tenke hola fali ba sasan seluk faan hodi taka fali osan. Maibe dadaun ne’e ami labele hetan rendimentu tan iha loron manas entaun labele faan sasan barak tanba fatin mamuk laiha entaun rendimentu mos menus. Karik governu dehan fatin ne’e rai estadu nian entaun diferente povu ho estadu ne’e saida, tanba sá estadu mak iha direitu ba rai maibe povu laiha direitu”, Nia esplika.

Vendedores sira ne’e faan komesa iha okupasaun Indonézia to’o agora, lei hatete ema ne’ebé hela iha rai ida durente tinan lima ba leten ne’e iha direitu sai nain ba rai tanba sá vendedores sira laiha direitu. Nune’e husu estadu kria mini merkadu ida mak vendedores selu pajak ba estadu la problema atu buka moris iha futuru, labele lori sira husi nakukun ba nakukun ida, maibe lori sira ba fatin ne’ebé pelemunus loron ida hetan $ 10 no labele lori sira ba fatin ne’ebé loron ida lahetan $ 1 labele husik sira iha terus nia laran.

Print Friendly, PDF & Email

LEAVE A REPLY

Please enter your comment!
Please enter your name here