Home Analisa Impaktu Programa Kafe Dader Iha RTTL,EP Ba Auto-Negosiu Foin-Sa’e

Impaktu Programa Kafe Dader Iha RTTL,EP Ba Auto-Negosiu Foin-Sa’e

1282
0
Etudante DCS, UNTL, João Bosco Alves.[Foto: Dokumentu Privadu | 12.06.2024]

Hakerek-na’in Etudante DCS, UNTL: João Bosco Alves, & Revizór Teórika: Miguel Gonçalves, M.I.kom (Dosente Integral DCS-FCS-UNTL)

Antesedente

Média masa hanesan meius komunikasaun ida ne’ebé importante ba ema hotu nia moris. Liuhusi média masa bele fasilita ema hotu atu asesu ba informasaun ho lalais liuhusi kanál oin-oin hanesan rádiu, televizaun, jornál, revista no online.

Média masa mós divulga informasaun importante sira ba públiku atu ema hotu bele asesu liuhusi média imprime, eletrónika no online. Liuhusi meius hirak ne’e ho nia tipu publikasaun ne’ebé diferente maibé nia objetivu publikasaun ba informasaun hanesan.

Média tenke hato’o faktu informasaun ne’ebé atu eduka audiénsia sira, média mós hanesan instrumentu ida atu hatutan komunikasaun entre komunikadór no komunikante iha prosesu fahe no simu informasaun. Média hatutan informasaun ho faktu realístiku ne’ebé akontese iha rejionál, nasionál no internasionál. Média hatutan informasaun ho karakter edukativu, divertimentu ba nia audiénsia.

Tuir McQuail (2000), meius komunikasaun masa iha karakterístika ne’ebé bele atinji masa iha númeru boot (alkansa ho universalidade), ho karakter públiku no bele fó popularidade ba sé de’it mak mosu iha média masa,” (Morissan, Wardhani no Hamid, 2010:2).

Ezisténsia média iha Timor-Leste daudaun ne’e mak hanesan tuir mai ne’e; média eletrónika, média imprime no média online. Média eletrónika mak rádiu no televizaun. Média imprime mak jornál, revista, tabloid no panfletu. Dezenvolvimentu teknolojia ohin loron aumenta aas liu, tanba média iha tempu uluk mak imprime de’it, maibé ohin loron iha tan média eletrónika no média online. Aleinde ne’e, média online hanesan média eletrónika ida ne’ebé tranzmite informasaun ba públiku liuhusi notísia no vídeo ba audiénsia sira hotu bele asesu iha média sosiál sira hanesan facebook, twitter, whatsapp, website, blog no sel-seluk tan.

Radiu Televisaun Timor-Leste, empreza públiku (RTTL) mak meius komunikasaun ida ne’ebé importante iha Timor-Leste, fornesendo notísia, programasaun edukativu, no entretenimentu ba komunidade hotu iha rai laran. RTTL, EP nia servisu ho objetivu atu fó informasaun relevante ba públiku kona-ba asuntu sira ne’ebé impaktu iha nasaun nia progresu no dezenvolvimentu. Nia mos hetan apoiu husi governu atu promove koñesimentu no kultura lokal.

Televizaun hanesan meius komunikasaun masa ida sai mós hanesan sistema persepsaun ba imajen no lian ne’ebé hato’o husi emisora televizaun sira husi fatin ida atu nune’e bele haree iha fatin seluk husi distánsia ne’ebé dook liuhusi simu na’in sira, (Wahyudi, 1996:273).

Programa Kafe Dader iha RTTL iha impaktu pozitivu ba auto-negósiu sira iha Timor-Leste, hanesan haree kona-ba promosaun kafé lokál no edukasaun kona-ba kualidade kafé. Ne’e sei hametin setór kafé Timor nian no fó oportunidade ba emprezáriu lokál atu hadi’ak sira nia negósiu.

Programa Kafe Dader iha RTTL bele hametin dezenvolvimentu ekonomia lokál, liuliu iha setór kafé. Programa ne’e bele promove produtu kafé lokál, haforsa rendimentu kafé Timor nian, no eduka komunidade kona-ba kualidade kafé. Ho programa sira ne’e, bele hasa’e osan no interese ba auto- negósiu kafé, sai hanesan oportunidade ida ne’ebé boot ba emprezáriu foin-sa’e.

Programasaun hanesan fatór ida ne’ebé importante hodi determina susesu husi rádiu ida nian. Programa ida ne’e mós di’ak no interesante tebes atu atrai audiénsia barak, (Romli, 2017:61).

Programa Kafe Dader iha RTTL ba auto- negósiu foin-sa’e ida ne’e hanesan promosaun ba produtu kafé lokál, haree no promove marka kafé Timor nian, no eduka komunidade kona-ba kualidade kafé. Programa sira ne’e bele hametin rendimentu emprezáriu lokál, aumenta sira nia viabilidade, no hasa’e sira nia kapasidade atu fornese kafé ho kualidade boot ba merkadu lokál no internasionál. Ne’e bele sai hanesan oportunidade boot ba emprezáriu foin-sa’e atu hetan suporta no hadi’ak sira nia negósiu.

Programa televizaun hanesan fonte ida-ne’ebé efetivu liu husi ideia sira hanesan referénsia ba ideia sira programa nian. Haree programa televizaun ida-ne’ebé daudaun ne’e hala’o sei estimula kakutak hodi halo avaliasaun ba vantajen no dezvantajen sira husi programa ne’e, (Latief, 2020:81)

Husi aspetu hirak-ne’e maka hatudu katak programa “Kafe Dader” iha RTTL, EP bele fó impaktu boot ba foin-sa’e ne’ebé hakarak hodi nia auto-empregu, hodi kontribui ba dezenvolvimentu ekonomia lokál iha Timor-Leste.

Auto-negósiu ba foin-sa’e sira ne’e inklui emprezáriu sira ne’ebé mak tuir sira nia interese no abilidade hodi kria sira nia negósiu rasik husi zero. Ida ne’e inklui investimentu iha variedade setór sira, hanesan komérsiu, servisu, teknolojia, no agrikultura. Iha Timor-Leste, auto- negósiu ba foin-sa’e sira kontribui ba dezenvolvimentu ekonomia nasionál, fó oportunidade ba empregu foin-sa’e, no promove inovasaun no kreatividade iha sosiedade.

Auto-negósiu mak negósiu ne’ebé kria husi emprezáriu rasik, ho objetivu atu kria rendimentu no oportunidade ba emprezáriu atu kontrola sira nia atividade komersiál ho independénsia. Ida ne’e bele inklui kria loja lokál, servisu konsulta, produsaun produtu, ka estabelese kafetaria. Auto-negósiu hanesan maneira importante atu hametin dezenvolvimentu ekonomia lokál no kriasaun empregu iha komunidade.

Fundamentu Teoriku

Teoria Agenda Setting hanesan meius ida ne’e mak uza hodi forma asuntu sira iha média (jornál, TV, rádiu, internét, etc.) bele hetan podér ida boot atu forma ona hanoin no prioridade husi públiku. Ideia prinsipál ne’e mak média la fó diretamente hanoin sira, maibé nia halo atu xave hanoin sira kona ba asuntu ne’ebé importante.

Liuhosi teoria ne’e, média bele influénsia públiku nia opiniaun liuliu foin-sa’e sira.  hodi fó enfaze boot ba kestaun ekonómiku, públiku no mós sei sente katak kestaun ekonómiku mak problema ida ne’ebé importante. Loisa katak Teoria Ajenda setting hanesan prosesu ida-ne’ebé média tau asuntu no eventu lubuk ida-ne’ebé konsidera importante ba sosiedade. (Loisa Riris, 2019)

Liu husi teoria ne’e bele motiva foin-sa’e sira oinsá atu halo mudansa ba sira nia moris Media hetan podér atu hili no kontente asuntu ne’ebé nia husu ou hato’o. Hanesan, ida ne’e, se média hatene kona ba asuntu ida liuhusi meius komunikasaun, entaun publika mós sei hanoin katak asuntu ne’e importante. Teoria ajenda setting hanesan prosesu ne’ebé tau atensaun reativa ba asuntu sira ne’ebé publika iha média ne’ebé la’o ho di’ak no influénsia públiku nia hanoin tuir orden klasifikasaun kona-ba kestaun públiku nian (McQuail, 2000:426).

Relasiona ho definisaun Foin-sae sira ne’ebé hanorin hodi aprezenta sira nia auto-empregu bele sai nu’udar modelu pozitivu ba ema sira ne’ebé hakarak atu hodi ikus sira nia rasik. Ida-ne’e bele fó ulun-boot ba foin-sa’e atu hodi boot sira nia inan-boot. Hetan knaar ida-ne’e iha televizaun bele fó laran metin ba foin-sa’e atu atu bele implementasaun sira nia piano no ideias ba negósiu.

Métodu

Traballu ne’e halo Estudu literária liuhusi asesu ba referénsia sira hanesan livru iha biblioteka, uza mós publikasaun sira iha média sosiál, hodis sai hanesan amostra, no narativa sira seluk. Estudu ida ne’e envolve analiza no interpreta obra tuir teoria agenda setting, estudu ne’e halo durante fulan ida liu husi dokumentasaun, observasaun uza mós analiza kualitativa hodi hare ba publikasaun sira no teoria ne’e uza.

Analiza Kontekstuál Publikasaun Media

Publikasaun iha média mak prosesu ida ne’ebé envolve estuda no komprende kontestu ida ne’ebé publikasaun média akontese. publikasaun média hato’o, no oinsá kontestu ida ne’ebé akontese maka bele influénsia mensajen ne’e. Tanba ne’e ajuda foin-sa’e sira bele komprende atu hetan informasaun ida ne’ebé klaru no kompletu kona ba publikasaun média.

“Fatima Industrializa Produtu Lokal Sai Cafety Scrub” Publika iha youtube, kanál RTTL, EP Live Stream, Iha programa Kafe Dader (07-03-2024) Fatima Mendonsa fahe nia esperiénsia kona-ba oinsá nia loke cafety scrup.https://www.youtube.com/live/ot9THG0hsSc?si=0vJxQtz 

Husi publikasaun ne’ebé fó sai liu husi programa “Kafe Dader” iha RTTL, EP bele fó oportunidade ba foin-sa’e atu halo promosaun ba sira nia negósiu no produtu lokál. Ida-ne’e bele aumenta viabilidade no hetan kliente foun.

Negósiu bele define hanesan atividade negósiu individuál ida-ne’ebé organiza hodi prodús no fa’an sasán/servisu sira atu nune’e bele hetan lukru hodi responde ba nesesidade sosiedade nian. . (Harjadi, 2015:3)

Negósiu ne’e sai hanesan fatór importante ida ba ema, tanba liu husi negósiu bele motiva ita atu oinsá bele hetan osan rasik, entaun ida ne’e bele aumenta foin-sa’e sira nia opiniaun atu ne’e ne’ebé susu iha sira nia auto-empregu bele mós inspira ema seluk hodi motivasaun no fó hanoin kreativu.

 “Negosiu Inovativu Husi Foinsa’e sira Foodtruck” Publika iha youtube, kanál RTTL, EP Live Stream, Iha programa Kafe Dader (15-02-2024) Nicson Riberu fahe sira nia esperiénsia kona-ba oinsá nia loke Foodtruck. https://www.youtube.com/live/2tmlLcPRZvo?si=DYOYCjbaO5SRXO1N

liuhusi publikasaun ne’ebé fó sai liu husi programa “Kafe Dader” iha RTTL, EP bele motiva Foin-sae sira ne’ebé la’o ona iha sira nia auto-empregu bele hodi partilla mós sira nia esperiénsia, hanesan susar sira ne’ebé sira hasoru no to’o ikus halo sira bele susesu. Ida-ne’e bele fó orientasaun ba ema ne’ebé foin hanoin atu loke negósiu foun.

Negósiu mak atividade ida-ne’ebé ema ka grupu ema halo, fa’an, ka troka sasán ka servisu ho objetivu atu hetan lukru. Iha negósiu, ema buka atu kria ideia foun no dezenvolve produtu ka servisu ne’ebé fó benefísiu ba ema seluk. Tuirmai, sira fa’an produtu ka servisu ne’e ba kliente sira ne’ebé iha interese no prontu atu selu.

Negósiu iha sentidu luan mak termu jerál ida-ne’ebé deskreve atividade no instituisaun hotu-hotu ne’ebé prodús sasán no servisu iha moris loroloron nian, (Untari & Satria, 2021:1)

Negósiu mak fonte prinsipál ba empregu. Liu husi dezenvolvimentu negósiu ida, foin-sa’e sira bele kria oportunidade servisu ba sira-nia an rasik no ba ema seluk. Negósiu ida-ne’ebé susesu bele absolve traballu, hamenus taxa dezempregu, no fornese rendimentu ba individuál no sosiedade.

 “Ho de’it negósiu, Lizeti muda nia istória moris” Publika iha youtube, kanál RTTL, EP Live Stream, Iha programa Kafe Dader (04-06-2024) Lizeti Pereira fahe sira nia esperiénsia kona-ba oinsá muda nia moris ho negósiu Makeup. https://www.youtube.com/live/KAaCgvjld8l?si=DHAsgfopxy6NIzS0

Liuhusi publikasaun ne’ebé fó sai liu husi programa “Kafe Dader” iha RTTL, EP, hatudu katak Programa ida-ne’e bele fó benefísiu ba foin-sa’e sira relasionadu ho manejer ne’ebé negosiante ne’e fahe, kona-ba marketing, finansas, no téknika seluk ne’ebé importante. Foin-sa’e bele aprende hosi espertu sira iha área ne’e.

Negósiu ida-ne’ebé susesu bele hadi’a ema nia padraun moris. Liu husi fornese produtu no servisu ne’ebé util, empreza sira ajuda atu responde ba nesesidade loroloron nian no hadi’a kualidade moris. Sira mós bele kria produtu ka servisu sira ne’ebé fornese fasilidade, kmaan, ka solusaun ba problema espesífiku sira, hodi hadi’a kualidade moris tomak.

Negósiu hanesan intermediáriu ida ba ema ida atu hahú sira-nia negósiu, negósiu rasik mak termu ida de’it ne’ebé iha aspetu no oinsá kompañia ida hala’o. Negósiu rasik mak atividade ida-ne’ebé ema ida hala’o atu hetan lukru, hanesan bainhira troka sasán ka buat ne’ebé di’ak liu hatene hanesan bartering. (Untari & Satria, 2021:1)

Negósiu ne’e hanesan empreza lubuk ida-ne’ebé hala’o husi individuál ka grupu sira liuhusi oferese sasán no servisu sira atu hetan lukru. Santifikasaun negósiu nian mós bele define hanesan fornese sasán no servisu sira ba sistema ekonómiku ne’ebé la’o ho di’ak. Definisaun ne’e hakerek iha livru Introdusaun ba Negosiu husi Hadion Wijoyo,

 “Jolven Inovativu Hahu Dezenvolve Kafe Timor” Publika iha youtube, kanál RTTL, EP Live Stream, Iha programa Kafe Dader (27-03-2024) Francisco Sarmentu fahe sira nia esperiénsia kona‑ba oinsá nia loke negósiu Kafe.https://www.youtube.com/live/dtflY3y_FPA?si=tldPlcJizjdbviXH  

Liuhusi publikasaun ne’ebé fó sai liu husi programa “Kafe Dader” iha RTTL, EP, liuhusi programa ne’e, foin-sa’e bele aprende hosi métodu inovativu ne’ebé bele iha aplikasaun ba sira nia negósiu, halo sira hodi diferensiál ba merkadu nian. Programa “Kafe Dader” bele kria oportunidade atu kompleta foin-sa’e ho investidór, kliente, no parseiru sira. Ida-ne’e bele ajuda hasa’e kompetitividade ekonómiku lokál.

Emprezariedade mak prosesu ida hodi kria buat ruma atu nune’e bele aumenta valór ba ekonomia. Emprezariedade mak absorsaun liafuan rua, ne’ebé signifika ema ka independente no negósiu ne’ebé signifika atividade ida liu husi ezersísiu enerjia no hanoin atu alkansa meta ida. (Barata & Steven, 2022:1)

Iha esforsu barak ne’ebé ema halo atu hetan rendimentu ne’ebé bele hodi responde ba sira-nia nesesidade loroloron nian, hanesan hahú sira-nia negósiu rasik hodi sai emprezáriu. Hahú negósiu ba ema ruma la’o ho di’ak, dala ruma iha obstákulu barak ne’ebé akontese sira

 “Francisca ho nia estudu, karreira no negósiu” Publika iha youtube, kanál RTTL, EP Live Stream, Iha programa Kafe Dader (19-01-2024) Fancisca D. B. Coreia, fahe sira nia esperiénsia kona‑ba oinsá nia loke Restaunte.https://www.youtube.com/live/3CZylZqpNEY?si=WADED6Uutf9UP8oM 

Liuhusi publikasaun ne’ebé fó sai liu husi programa “Kafe Dader” iha RTTL, EP, entaun liuhusi Programa ne’e bele ajuda hodi fó hanoin ba foin-sa’e sira ne’ebé iha hanoin atu hadi’a sira nia vida moris. Ida-ne’e bele sai hanesan meius ida ba dezenvolvimentu sosio-ekonomia iha nivel lokál. Bele fó suporte kapasitasaun ba komunidade hodi haburas liu tan sira nian negósiu hodi hetan rezultadu di’ak ba sustentabilidade auto-empregu.

(Hughes, 1994). hateten negósiu mak kompañia ida-ne’ebé iha relasaun ho produsaun no distribuisaun sasán sira atu bele fa’an fali sasán sira-ne’e ba merkadu ka fornese folin ba kada sasán ka servisu (Mahanani, 2022:1)

Definisaun negósiu refere ba atividade ekonómika ne’ebé individuál ka organizasaun sira hala’o ho objetivu atu hetan lukru. Iha kontestu ida-ne’e, lukru bele interpreta hanesan diferensa entre rendimentu ne’ebé simu husi fa’an sasán ka servisu no kustu produsaun ka despeza sira seluk. Negósiu bele hala’o iha forma oioin, hanesan kompañia boot, empreza ki’ik sira, ka hanesan emprezáriu individu.

Konkluzaun

Bazeia ba artigu ne’e atu konklui de’it katak Programa Kafe Dader iha RTTL bele hatudu impaktu pozitivu liu husi promosaun ba auto-empregu iha Foin Sae, hodi fó oportunidade ba empreza sira no suporta dezenvolvimentu ekonómiku lokál. Iha laran, programa ne’e bele ajuda ema sira iha Foin Sae atu hetan formasaun no asisténsia atu kria no sustenta sira nia negósiu sira.

Programa “Kafé Dader” iha RTTL, EP fó kontribuisaun boot ba konsentrasaun públiku kona-ba asuntu sosiál, polítika, ekonomia, no kulturál. Programa ne’e maka fonte prinsipál ida ba informasaun, ida ne’ebé ajuda povu komprende liu ho kualidade asuntu hirak ne’ebé fó impaktu ba moris loroloron. Iha ne’ebá, “Kafé Dader” bele konsidera hanesan instrumentu forte ida ba edukasaun foin-sa’e sira.

Programa “Kafé Dader” iha RTTL, EP maka sai ida ne’ebé fó impaktu boot ida ba sosiedade Timor-Leste nian, fó informasaun ne’ebé klaru no edukativu, promove diskusaun públiku, aumenta transparénsia no responsabilidade, no valoriza kultura nasaun, programa ne’e sai hanesan forsa pozitivu ida ba dezenvolvimentu nasaun nian.

Maibé, bele iha impaktu negativu mós, hanesan se la iha monitorizasaun di’ak kona-ba efetividade ba programa, ka se la iha jestaun di’ak ba rekursu sira, bele rezulta ba dezigualdade iha komunidade.

Liu husi Artigu ne’e mós hakerek na’in hakarak rekomenda ba Foin-sa’e sira katak:

  1. Foin-sa’e sira tenke adopta teknolojia modern ne’ebé bele aumenta efisiénsia no kualidade ba produtu sira, inklui uza teknolojia informasaun no komunikasaun atu aumenta visibilidade negosiu sira.
  2. Foin-sa’e sira tenke Promove koinesementu liu husi negosiu, ba emprejariu boot sira liu husi feira komersial, no eventu sira ne’ebé bele aumenta koinesementu no abilidade negosiu.
  3. Foin-sa’e sira presiza aumenta koinesementu liu husi oportunidade ne’ebé iha, no mós halo adaptasaun ba nesesidade lokal no identifikasaun ba merkadu sira iha nível lokal no internasionál.

Agradese ba Media Neon Metin fó ona espasu ba publika ona artigu ne’e.

REFERENSIA

Morissan, Wardhani Corry Andy dan Hamid Farid. (2010). Teori Komunikasi Massa, Edisi Pertama, Bogor: Pernebit Ghalia Indonesia.

Wahyudi,  J.  B.  (1996),  Media  Komunikasi  Massa,  Jakarta. Kencana  Prenada  Media  Group.

Romli, (2017). Manajemen Program & Teknik Produksi Siaran Radio, Bandung: Nuansa Rosdakarya.

McQuail, Denis, (2000). The 5 Levels of Human Communication. Seventh Edition. Belmont, CA: Wadsworth.

Loisa, Riris, Sukendro G.Genep Sukendro dan Yoedtadi (2019) Komunikasi Massa, Jl. S. Parman No. 1 Jakarta Barat

Harjadi, Dikdik dan Fatmasari, (2015) Pengantar Bisnis, penerbit Univesitas Kuningan, JI.

Dhian Untari, Dhian dan Satria (2021) Pengantar Bisnis, Purwokerto Selatan, Kab. Banyumas Jawa Tengah.

Juliahir Barata, Juliahir dan Steven (2022) Kewirausahaan, Jalan Banjaran, Desa Banjaran RT 20 RW 10 Kecamatan Bojongsari Kabupaten Purbalingga.

Mahanani, Estu dan Retnaningdiah DKK (2022) Pengantar Bisnis, Jalan Banjaran, Desa Banjaran RT 20 RW 10 Kecamatan Bojongsari.

RTTL, EP (2024) “Fatima Industrializa Produtu Lokal Sai Cafety Scrub” (Programa Kafe Dader),https://www.youtube.com/live/ot9THG0hsSc?si=0vJxQtzAsesu iha loron domingu, 09/06/2024

RTTL, EP (2024) “Negosiu Inovativu Husi Foinsa’e sira Foodtruck” (Programa Kafe Dader), https://www.youtube.com/live/2tmlLcPRZvo?si=DYOYCjbaO5SRXO1N, Asesu iha loron domingu, 09/06/2024

RTTL, EP (2024) “Ho de’it negosiu, Lizeti muda nia istoria moris” (Programa Kafe Dader), https://www.youtube.com/live/KAaCgvjld8l?si=DHAsgfopxy6NIzS0, Asesu iha loron domingu, 09/06/2024

RTTL, EP (2024) “Jolven Inovativu Hahu Dezenvolve Kafe Timor” (Programa Kafe Dader), https://www.youtube.com/live/dtflY3y_FPA?si=tldPlcJizjdbviXH, Asesu iha loron domingu, 09/06/2024

RTTL, EP (2024) “Francisca ho nia estudu, kareira no negosiu” (Programa Kafe Dader), https://www.youtube.com/live/3CZylZqpNEY?si=WADED6Uutf9UP8oM, Asesu iha loron domingu, 09/06/2024

Print Friendly, PDF & Email

LEAVE A REPLY

Please enter your comment!
Please enter your name here