Reportajen Joanina Casamiro
Ministério do Planeamento e Investimento Estratégico (MPIE), realiza workshop kona-ba “Desiminasaun Rejime Kontributivu Seguransa Sosial No Rejime Promosaun Kareira Ho Reforma no Pensaun” ba funsiunariu publiku sira, atu aumenta sira-nia kapasidade hodi halao servisu ho intelektual iha futuru.
Ministro Planeamento e Investimento Estratégico (MPIE), Gastão Francisco Sousa hateten, hanesan funsionariu publiku programa ohin iha Workshop rua ne’e iha ligasaun siguransa sosial, promosaun kareira iha ligasaun ne’ebé liga ba sira nia dever no direitu hodi bele hetan intende ba iha futuru.
“Ohin ita hamutuku iha ne’e atu rona hosi seguransa sosial, tanba sira nia dever atu bele hatene no la bele reklama maibe halo buat ne’ebé di’ak, ha’u hanoin sira hatene iha 4% porsentu husi instituisaun ne’ebé sira servisu ba, 6% porsentu ita hatene buat sira ne’e hotu husi governu mak bele tau 6% porsentu ne’ebé tenke fó ba siguransa sosial. Dehan MPIE Gastão Francisco Sousa iha Salaun CNE Kolmera, 20/24.
Nune’e nia husu ba Diresaun Jeral iha Ministeriu Finansas Corpo Humanos atu bele haree situasaun sira hanesan ne’e hodi la bele mosu ba reklamasoens sira no la bele bosok. Husu mós funsionariu publiku katak governu dadaun ne’e aprova vaga ba promosaun kareira atu iha oportunidade ba sira hanesan funsionariu publiku.
“Importante ba ita mak kareira liuhusi promosaun kareira no tenke hadia ita nia a’an, dezenvolve ita nia kapasidade teknika ho intelektual, nomos le’e aumenta koñesimentu atu nune’e la bele fó sala ba instituisaun sira ne’ebé servisu ba la bele fó sala fali ba ema seluk”, nia dehan.
MPIE husu ba funsiunariu sira atu aporveita masimu pensaun ohin nian tanba imi nia direitu no dever, no la bele fó sala ba ema seluk saida mak direitu no dever. Funsionariu sira tenke iha disiplina hodi la’o nafatin pontualidade no regas ne’ebé eziste ona.
