Reportajen Silvino Freitas
Komisaun Anti Korrupsaun (KAK) halo kooperasaun ho Komisi Pemberantasan Korrupsi (KPK) Indonesia halo ona akordu kooperasaun hodi ajusta servisu kombate korupsaun nian liga korupsaun ne’ebé komete husi timoroan iha Indonesia, nune’e mós kompaña estatál sira ne’ebé dadaun ne’e implementa hela projetu iha Timor Leste.
Komisáriu KAK Rui dos Santos dehan, vizita KAK nian ba KPK indonesia asina memorandum ida tanba KAK mos sai ona membru ba ASEANPAK ba dala sanuluresin ida nunee husi kooperasaun neebe halo ho KPK nunee iha kazu korupsaun neebe liga ho asset nee ita mos bele husu KPK nia tulun karik timoroan balun neebe loke konta bankaria sosa rai sosa uma iha indonesia nunee iha kazu ruma sira bele tulun atu bele buka tuir informasaun, nunee iha area formasaun nian neebe KAK timor leste atu halo nunee labele iha fee nunee hamenus despeza ba formasaun nia liuhusi kooperasaun neebe halo entre KAK ho KPK.
“kooperasaun liga ho troka informasaun konaba pesoal sira neebe involve iha krime, sasan iha timor ami lacak laiha keta halo nia rai hela iha imi nia nasaun ita bele husu tulun atu sira bele fornese informasaun” informa Komisáriu KAK Rui dos Santos liuhusi konferensia imprensa iha ninia kna’ar fatin Farol, (21/01).
Nia dehan tan, hafoin ho KPK sei renova mos asina memorandu ho anti korupsaun Malaysia ho tailandia nian iha tinan nee lae tinan oin nunee konaba Malaysia nian iha enkontu ASEANPAK nee tanba timor leste sai ona membru ASEAN nunee la presiza kontinua maibe kontinua servisu hamutuk iha area formasaun no seluk tan tuir memorandu neebe halo ona, nunee ho singapura la presiza memorandu maibe bele kontaktu liuhusi email bele hetan tulun husi anti korupsaun Singapore nian.
“indonesia nian mos komisariu husu ba KPK atu tau matan tanba emprezariu estatal sira nia projetu boot iha timor, sira envolve iha korupsaun ita mos bele halo prosesu konta sira nia ema sira iha nee” dehan komisariu Rui.
Fatin hanesan Reprejentante PNTL Suprentidente Xefe José Soares hatutan, PNTL hanesan ajente auxiliar prosesu neebe submete ba prokuradoria nunee hanesan ajente judicial ida hamutuk ho KAK hodi haree sistema maneira servisu KPK nian ho kuadru legal nasaun nian neebe diferente tebes, nunee KPK nia servisu kombate korupsaun neebe integradu hodi inklui polisia ho prokuradoria iha KPK nian laran, maibe hanesan ajente judicial neebe tutela ba prokuradoria presiza servisu hamutuk nunee informasaun hodi fasilita servisu KAK nian hodi hetan finalidade neebe diak.
“PNTL hanesan instituisaun estadu pronto atu servisu ho instituisaun hotu hotu hodi garante seguransa nunee kombate aktu sira neebe kontra lei, nunee mos hamutuk ho KAK atu kombate uza sala osan estadu nian” dehan Reprejentante PNTL Suprentidente Xefe José Soares.
