Reportajen Silvino Freitas
Líder Amizade Resistensia Joao da Silva ‘Soke’ fanun ba luta nain veteranu sira, atu fo hanoin ba joven sira atu lori nasaun nee ba oin, tanba luta atu defende ezistensia nasaun nian sei difisil liu fali luta ba ukun rasik an, tanba nee joven sira tenke hanoin ona katak ukun an tinan 25 ona maibe iha tinan 20 mai, joven sira atu lori nasaun ba neebe no atu halo said aba rai nee.
Joven Resistensia Joao da Silva ‘Choque’ dehan, luta nain sira tenke servisu makaas atu kuda nafatin sentimentu nasionalizmu tanba nee servisu veteranu seidauk hotu maibe veteranu tenke servisu makaas, atu fo hanoin joven sira ukun an, kontribui husi ema barak nia sakrifisiu nunee tanba nee halo joven sira oin loron falla iha sira nia luta tanba la hetan tulun husi vetanu sira tanba nee luta nain sira hanesan veteranu no joven resistensia tenke hafanun an rasik atu fo hanoin ba joven sira muda atetude, atu kria estabilidade hodi luta priense dezenvolvimentu iha nasaun nee.
“25 anos Timor ukun an ita hotu tenke fanu an rasik katak nasaun nee presiza ita, ita sira uluk iha lina fogu nee, ohin nafatin iha lina fogu atu fo hanoin joven sira atu muda atitude atu priense nasaun nee todan liu fali luta ba ukun an, luta ba ukun nee mos todan mate rihun ba rihun mais luta atu defende ezistensia nasaun nee todan liu fali tanba nasaun nee eziste maka ekonomi saude tenke diak” dehan Joven Resistensia Joao da Silva ‘Soke’ iha ambitu selebrasaun loron nasional veteranu iha CCLN Comoro, (03/03).
Joao ‘Soke’ dehan tan, maski ohin loron veteranu ho joven resistensia sira la hamutuk iha diferente gurpu no partidu maibe sira iha objetivu ida deit atu hasai povu husi mukit no kiak, tanba nasaun nee povu kontinua kiak laiha veteranu ida mak kontente tanba nee luta nain sira neebe dadaun iha diferente paritdo maibe tenke iha presepsaun ida deit atu kontinua ajuda nasaun, tanba nee liuliu ba joven sira tenke halo reflesaun ona joven resistensia sira luta on aba ukun an neebe dadaun nee eziste ona tinan 25 maibe joven ohin loron tenke hanoin ona atu iha tinan 20 mai sei halo saida ba rai nee.
“tanba nee mak estudante no juventude sira maka savi loloos, Nepal ho Indonesia naksobu ema hamonu ditadura Soeharto tanba estudante, estudante sira tenke eziste nafatin tanba lialoos nee iha neebe tenke mosu nunee hau fo apresiasaun no iha sira nia kotuk” konklui Joao ‘Soke’.
