Reportajen Silvino Freitas
Insituto Nasional Kombate SIDA (INCSIDA) halo sosializasaun ba transmisaun no prevensaun moras HIV ba juventude igreja protestante, tanba joven sira neebe tuir atividade igreja nian sempre garante deit ba orasaun atu fo solusaun ba moras HIV, maibe tenke halo esforsu liuhusi hatene moras refere hodi halo prevensaun ba transmisaun HIV nian, tanba moras HIV laiha aimoruk atu kura inklui ai-moruk tradisional mos labele kura, maibe iha deit aimoruk atu haforsa imunidade ema nian nunee bele iha forsa.
Prezidente INCSIDA Daniel Marçal dehan, sira preokupa ho joven sira neebe husi grupu igreja nian tanba joven sira nee depedente tiha ho orasaun hodi lakon esforsu tanba atu halo prevensaun ba transmisaun HIV nee laos deit ho orasaun maibe presiza esforsu tanba dadaun nee joven barak maka rona igreja hodi afeta ho HIV-SIDA maske laos hotu hotu maibe balun komprende tanba balun neebe atu prevene liu husi fali orasaun.
“maromak nia liafuan dehan orasaun maibe tenke esforsu ora et labora berdoa dan berkerja, tanba nee importante tebes joven sira mai husi igreja nee primeiru sira tenke hatene situasaun iha mundu nee oinsa” dehan Prezidente INCSIDA Daniel Marçal dehan iha ambitu sosializasaun ba juventude igreja protestante presbitereana iha Praia dos Coqueiros, (15/04).
Daniel Marçal dehan tan, joven sira mai husi igreja nee iha papel boot tebes kontribui ba dezenvolvimentu nasional tanba joven sira nee labele halo orasaun deit maibe tenke halo esforsu ba asaun neebe atu kontribui nunee parte ida maka atu proteje husi problema HIV SIDA tenke esforsu makaas hodi buka hatene oinsa daet no oinsa atu prevene tanba HIV la tauk ema neebe halo orasaun makaas maibe HIV tauk liu maka ema neebe halo esforsu makaas atu prevene moras refere.
“tanba nee mak ohin hau dehan ba joven sira bele juventude igreja reja kapaas maibe labele para ho esforsu atu hatene problema HIV nee daet halo nusa” dehan Prezidente INCSIDA.
Nia dehan tan, akontese mos drop out ba pasiente sira ho HIV tanba ho konseitu neebe laloos sira honoin HIV nee bele kura maibe labele kura maibe bele asegura deit ho aimoruk atu bele haforsa deit nia imunidade, nunee mos iha hanoin balun neebe dehan HIV bele kura ho aimoruk tradisional maibe aimoruk mak HRV nee deit laiha tan aimoruk seluk, nunee akontese drop out nee akontese tanba iha postu saude sira lideransa gosta troka pesoal saude sira neebe iha area HIV nunee mos tanba iha familia balun neebe halo tratamentu halo pasiente HIV moe atu bele foti aimoruk.
Fatin hanesan Pastor Carlos Marcal dehan, maski iha igreja sira iha ona regra liuhusi biblia hodi hanorin sira konaba fiar maibe igreja nee limitadu no ema neebe ba igreja mos hanesan nunee igreja mos presiza tulun husi estadu atu lao hamutuk tanba igreja ba halo ministeriu nee limitadu ka kiik liu nunee husi estadu nee ba timor laran tomak nunee sente diak tebes.
“problema mak moras nee daet laos liuhusi seksu livre deit maibe daet husi maneira oioin, tanba nee tenke iha sosializasaun sira hanesan nee tanba moras nee daet husi maneira oioin atu bele hanorin joven sira tanba nee joven sira tenke fo importansia ba ida nee tanba ema barak mate tiha ona tanba nee kaundu sira rona sira mos kuidadu sira nia moris” dehan Pastor Carlos Marcal.
