Reportajen Zevonia Vieira, Santy Lucia da Costa
Ekipa delegasaun Expo Dubai nain 7 fila ona mai Timor iha loron 21 Outubru 2021, iha oras 11.48 iha Aero Porto Nicolau Lobato.
Liuhusi konferénsia imprensa ba jornalista sira, Xefe Delegasaun Expo Dubai, Ministru Koordenadór Asuntu Ekonomia (MKAE), Joaquim Amaral hateten delegasaun ne’ebe hau xefia, hodi vizita serbisu ba Expo Dubai, iha kontestu Expo Dubai, ne’ebe sei remata iha loron 31 Marsu 2022.
Nia dehan delegasaun ne’ebé hala’o vizita serbisu semana ida iha Dubai, kumpri hotu ajenda sira ne’ebé trasa ona, lao ho susesu, realiza serimónia dada Bandeira, halo enkontru bilateral, organiza forum bisnis no mós ita konsege asina kooperasaun aviasaun ninian, entre estadu TL ho Arabia
Nia informa komisaun organizadora konsege aprenzeta kultural, kulinária no aprezenta mos ita nia kafé, maibe Timor-Leste nia prezensa sei nafatin iha Dubai to’ loron 31 Marsu 2022
Bainhira RTTL konfirma konaba oinsá garante Timor-Leste nia prezensa iha Expo Dubai hetan susesu ba Timor?
Xefe Delegasaun Joaquim hateten konserteza eventu mundiál ne’e fo susesu, ita nia nasaun ki’ik oan, laiha nasaun ida iha mundu agora la integra sistema mundiál, sistema komérsiu, kooperasaun ne’ebé kualkér partisipasaun sempre iha benefísiu.
“Tanba ne’e maka nasaun 192 ne’ebé partisipa iha eventu expo Dubai, sira konsidera importante duni maka nasaun barak partisipa, ho nune’e maka TL partisipa ne’e vantajen boot ida, atu bele aproveita forum ida ne’e hodi hatudu ninia rikeza, potensialidade, nune’e mos oportunidade atu hametin relasaun komersiál, business, ligasaun ema ho ema tan mundu agora, mundu globalizadu kualkér atividade di’ak iha relasaun di’ak no loke dalan kooperasaun barak, tanba ne’e mak importante tebes”, dehan Xefe Delagasaun iha aero portu Nicolau Lobato, 21/10.
Nia informa mos katak Timor-Leste nia prezensa iha expo Dubai, halo kooperasaun bilaterla lubuk ida, Ministeriu sira konsege asina akordu balun hanesan kooperasaun iha aero nian ne’ebe bele ajuda loke ita husi izolamentu
“Ita nia programa ne’ebé sei koalia tuir mai, por ezemplu turizmu enkuantu konektividade, ita la halo diversifikasaun ita metin de’it ligasaun ho kompañia aero rua, tolu ita la halo ligasaun ho kompañia boot setór aviasaun no setór transporte aero”, dehan Joaquim
