Reportajen Zevonia Vieira
Ministeriu Saude (MS) relata kazu moras Dengue ba loron 22 Fevereiru, hatudu katak kazu kumulativu dengue hamutuk 2339 no kumulativu obitu 31, maioria kazu ne’e deteta iha Dili, ho total 1456 kazu
Munisípiu Manatuto ho kazu 142, Baucau ho kazu 105, Manufahi kazu 95, Lautem ho kazu 93, Ermera ho kazu 90, Covalima ho kazu 87, Liquica kazu 82, Aileu ho kazu 69, Viqueque 53, Bobonaro ho kazu 32, Ainaro ho kazu 32 no RAEOA ho kazu 3. Em jerál kazu Dengue espalha ona iha territorio Timor Leste laran tomak.
Municipio Dili nafatin rejistu kazu ne’ebe a’as iha Primeira semana – Nono Semana fulan Fevereiro 2022, ho total 1456 kazu. Hare ba kada loron kazu aumenta bebeik husi Municipio Dili.
Idade Mais afetadu mak husi idade menus husi 14 anos mai kraik ho grupu edade 5 – 14 ho porsento 41,6% no idade 1 – 4 ho 36,4%. Ho ida ne’e Attack Rate (AR) idade 1-14 anos a nivel Nacional ho 0.41%.
Posto Administrativu Dom Aleixo relata kazu a’as liu husi Posto administrativos hotu ho total 789 kazu iha primeira semana – Nono semana fevereiro 2022, hafoin tuir husi Posto Aministrativo Cristo Rei 314 kazu, Nain-Feto 163 kazu no Vera-Cruz 150 kazu.
Kazu obitos iha inicio tinan 2022 ate a data ho total 31 obitos ida ne’e representa Case Fatality Rate nivel nasional ho 1,3%.
