Reportajen Francisco Colo
Kandidatu independente ba Presidente Republika períodu 2022-2027, Antero Benedito da silva ”slor” nia reprezentante kandidatu Prezidente, Fernando Ximenes hateten iha estadu tuan, tenke troka ho estadu foun ne’ebé justu solidariu no demokratiku ho baze prinsipiu solidaridade. lia hirak ne’e hato’o liuhusinia komunikadu imprensa banihira ho equipa susesu husu tulun no halo konsulta iha lisan Raimansu, Sucu Liurai, Aileu, Timor-Leste.
Hafoin konsulta no halo reflesaun ba luta revolusaun maubere iha 1975, no vizita fatin istoriku sira hanesan foho Maubere iha Laclubar, foho Maubere iha Turiscai, ai Maubere iha Manumera, be Debu Maubere iha Ermera, ai-ru maulrere iha Rotutu, no ohin loron, dia 22 Fevereiru 2022, kamarada l) Dr.Antero Benedito da Silva hamutuk ho nia ekipa susesu mai halo konsulta iha lisan Raimansu, Sucu Liurai, Aileu, Timor-Leste.
“Ami nia konsulta hodi tulun fo bensaun matak-malirin ba ami nia luta. Arni nia luta mak hodi harii estadu foun ne’ebelibertador, no sei mobiliza kamada jerasaun foun hodi asume sira nia responsabilidade no misaun historiku: libertasaun maubere. Luta ba emansipasaun sosiál maubere nian la hotu iha 1999. No agora, presiza iha luta foun ida, hahu husi otas foun sira. Konsuita ba lisan Raimansu nudar hahu foun ida ne’ebe loos.” informa reprezentante kandidatura prezidente, Fernando Ximenes via komunikadu imprensa, iha lisan Raimansu, Sucu Liurai, munisipiu Aileu. 22 Fevereiru 2022.
Iha komunikadu ne’e hatutan tan Kandidatu Antero Benedito da silva ‘slor’,hetan apoiu husi
Movimentu Conselho Nacional da Ressurreicao de Maubere (CNRM),husi Komite Esperansa, Movimentu Rosas Mean, Juvenrude SosialistaMaubere, no Movimenru Rehabilitasaun Agro-ekolojia Nasional ka RAENAL apoiu mós husi movimentu progresista oioin iha timor,no husi uniaun kamponez husi ermera,suai,manufahi,husi Atoni Maubere,no fatin seluk.
Estadu iha ita nia rain, sai estadu ba habokur’ grupu minoria deit. Estadu ne’ebe hariku ema oitoan no halo ema barak sai kiak ba bebeik. Estadu ne’ebe servi deit grupu privilejiu sira. Estadu ne’ebe hatutan deit restu kolonializmu, no halo maubere sai atan ba nafatin. Estadu ne’ebe hanehan duke liberta povu. Ita tenki hahu luta foun ida, hodi kontinua luta lolos ba lilrertasaun povu maubere kontra sistema ne’ebe hanehan ema, kultura no ekolojia povu maubere nian.
Estadu tuan agora ne’e, taka dalan ba marsa povu maubere nian ba nia
“Libertasaun. lta tenki luta hodi troka estadu tuan ne’e no harii estadu foun ne’ebe justu, solidariu no demokratiku liu, tuir Nicolau Lobato hakruir no mehi 1975 nian. Tan ne’e kamarada sira, ita tenki harii estadu ida foun ho baze prinsipiu solidaridade.” dehan Fernando
Ikus nia dehan projetu dezenvolvimentu no rekonstrusaun estadu husi maun-boot sira too ona nia limitasaun. Ita presiza dezenvolvimentu no inisiativa politika alternativa Projetu politiku ne’e mak ami bolu mauberismu, hodi fo solusaun alternativu iha luta libertasaun povu.
