Reportajen Adroaldo ‘Saretukau’
Kandidatu independente ba Prezidente Repúblika, Milena Pires hala’o nia kampaña ho tipu diálogu, segunda, 14 Marsu, hodi fahe hanoin hamutuk ho difisisente sira iha Fundasaun Ahisaun.
Iha nia diálogu ne’e, kandidatu ho númeru sorteiu 7 hatete, hau firme ho ha’u nia vizaun ba ha’u nia kandidatura, maka atu atu kontribui ba sosiedade ida ne’ebé inkluzivu, ekuetativu, solidáriu no justu, ne’ebé sidadaun hotu-hotu bele moris ho dignidade, livre husi violénsia no diskriminasaun iha Estadu de Direitu Demokrátiku.
“Portadores difisiénsia sai ha’u nia prioridade karik hetan fiar husi povu. Ha’u sei asegura ema hotu-hotu senti sai parte ba sosiedade ida ne’e. Importante atu Prezidenti da Repúblika, uza ni-nia influénsia polítika hodi asegura katak, lei no programa hotu-hotu tenki sensível ba grupu marjinalizadu hotu-hotu,” dehan Milena liu hosi nia Pájina Ofisial Facebook.
Iha fatin hanesan defisiente Natalino husu atu labele haree sira inferior liu maibé trata ema hotu hanesan, “labele haree ema ho defisiensia hanesan naha ba nasaun ida ne’e, tanba ami hanesan kuda metan sira ne’ebé bele ajuda leba naha nasaun ida ne’e nian,” dehan Natalino.
