Iha Simeira ASEAN nian ba 40 no 41, ohin (11/11), halao iha Phnom Penh, Kambodia, lideres ASEAN nian halo statement relasiona ho aplikasaun Timor-Leste nian. Konsidera tiha ona Misaun Buka Faktu ba Timor-Leste no deklara aseita atu Timor-Leste Tama ba ASEAN.
Tuir statementu ne’ebe Neon Metin asesu ho Embasada Timor-Leste nian iha Cambodia katak relasiona ho aplikasaun Timor-Leste nian atu sai membru ASEAN hato’o lideres ASEAN nian sira hatete katak em prinsipiu sei hatama Timor-Leste hodi sai membru ASEAN ba dala-11.
Statementu lideres sira nian ne’e fo garantia estuto obersevador ba Timor-Leste atu partisipa iha enkontru sira ASEAN nian, inklui iha plenaria simeira ASEAN nian. Statementu ne’e mos husu atu formaliza tiha Road Map kriteria baze ba Timor-Leste atu sai membru ASEAN nian.
Lidere ASEAN nia sira hotu aseita katak “Membru Estadu sira, parseiru external sira fo apoio tebes ba Timor-Leste atu atinji planu mak iha ona liu hosi fo asistensia kapasitasaun, no suporta relevante sira seluk hodi sai membru estadu ba ASEAN”.
