Reportajen Joanina Casamiro
Forum Organizasaun Naun -Governamental Timor-Leste, (FONGTIL ), halo observasaun kona-ba kazu omisídiu durante Dezembru to’o agora, nota katak Komandu Munisípiu Bobonaro halo Agresaun fíziku ba sidadaun sivíl iha Bobonaru no la obedese ba orden, konstitusionálál inklui Lei Orgánika PNTL nian.
Liuhusi konferénsia imprensa Portavos Ofisial Advokasia FONGTIL, Jorge Madeira hateten organizasaun membru FONGTIL hamutuk 250 ne’ebé namkari iha 13 munisípiu inklui mos RAEOA, ho nune’e hahú husi Dezembru 2022 to’o Janeiru 2023 , akontese kazu omisídiu no tentativa omisídiu akontese iha Dili laran sa’e makaas, no akontese.
“Ami konsidera atuasaun Komandu PNTL Munisípiu Bobonaru kontra Konstituisaun Artigu 147, alínea 1. ne’ebé hateten katak Polisia defende legalidade demokrátiku, no garante sidadaun sira nia seguransa interna , maibe ami nota katak Komandu Munisípiu Bobonaru halo agresaun fíziku ba sidadaun sivíl iha Bobonaru no la obedese ba orden, konstitusionál inklui Lei Organika PNTL nian Dekretu -Lei no.16/2009 , loron 18 fulan marsu Lei organika Polisia Nasionál Timor-Leste ( PNTL ) Artigu 1 alinca 1. Polisia Nasionál Timor-Leste , ho abreviatura PNTL , forsa seguransa ida ne’ebé iha Misaun atu defende legalidade demokrátiku , garante seguransa sidadaun no bens nian no proteje direitu sidadaun nian tuir termu ne’ebé estabelese iha Konstituisaun no iha Lei sira,” Dehan Portavos Ofisial Advokasia FONGTIL Jorge Liuhosi komferensia imprensa ba Jornalista sira iha sisalaun FONGTIL Kai-koli, sesta 13/1/23.
Nia haktuir iha Artigu 4 alínea 1 no 2 Tuir lei , PNTL bele uza forsa bainhira iha perturbasaun ba orden no Trankuilidade públika , bainhira laiha meius seluk ne’ebé sufisiente hodi hasoru rezisténsia kontra membru PNTL , bainhira hala’o sira nia funsau, Forsa bele uza de’it hodi defende a’an ka hodi defende ema seluk , hodi hasoru hahalok ne’ebé Agresivu no kontra lei ka kontra integridade fizika membru PNTL ka sidadaun seluk nian.
Nune’e mós Forum Organizasaun Naun -Governamental Timor – Leste, (FONGTI ) konsidera Falintil Forsa Defesa Timor – Leste, (F-FDTL ), ne’ebé destaka iha Munisipiu Covalima, ne’ebé baku sidadaun sivil ne’e kontra ona konstituisaun.
“Ami konsidera atuasaun (F-FDTL), Destakadu iha Munisipiu Covalima kontra Konstituisaun Artigu 146, alínea ne’ebé hateten katak (F.FDTL) atu Grantia Independensia Nasional, Intregridade territoriál, liberdade no populasaun nian seguransa hasoru agresaun ruma ka ameasa esterna, ho respeitu ba orden konstitusionál. Labele halo fali agresaun fiziku ba sidadaun sira,”Nia Subliña.
