Reportajen David da Costa
Asosiasaun jornalista Timor Lorosa’e (AJTL) husu Provedór Direitu Umanu no Justisa (PDHJ), Virgílio da Silva Guterres “Lamukan Fera Kakutak”, labele haluhan atu kontinua luta bai ha liberdade imprensa no liberdade espresaun, tanba ida ne’e parte husi direitu umanu nian.
Prezidente Asosiasaun jornalista Timor Lorosa’e (AJTL), Zevonia Vieira husu ba Provedór Direitu Umanu no Justisa (PDHJ), Virgilio da Silva Guterres, ohin sai ona providór atu defende direitu umanu i justisa, maibé labele haluhan kontinua luta ba liberdade imprennsa no espresaun, nafatin hamutuk ho asosiasaun jornalista nomós jornalista sira hotu hodi luba ba iha Liberdade Imprensa no Espresaun.
“Ami husu ba Provedór Virgilio, hodi defende direitu umanu no justisa, labele haluhan kontinua luta ba liberdade imprensa no espresaun, hamutuk ho konsellu imprensa, asosiasaun sira no jornalista sira, tanba ne’e parte husi direitu umanu, kontinua halo advokasia no debate públiku atu haforsa ita ninia luta ne’ebe maka laiha rohan,” dehan Zevonia, bainhira halo nia diskursu iha Konferénsia AJTL iha Delta Nova, Sesta 27/01.
Antes ne’e mós Provedór Direitus Umanus i Justisa (PDHJ), Virgílio da Silva Guterres “Lamukan Fera Kakutak” mos hateten liberdade espresaun no liberdade imprensa ne’e kontestu direitus umanus, tanba estadu la bele halo intervensaun , tanba ne’e provedoria direitus umanus mós sei la nonook bainhira iha lei sira impede liberdade de espresaun no imprensa.
“La bele haluhan katak ita ko’alia direitu umanus katak liberdade espresaun no imprensa ne’e hola parte, tanba liberdade espresaun no imprensa ne’e kontestu direitus umanus, ne’e direitu ida ne’ebé estadu la bele halo intervensaun, tanba ne’e provedoria direitus umanu mos sei la nonook , bainhira iha lei ka ou iha hahalok sira ne’ebé impede ou limita liberdade de espresaun ou liberdade de imprensa ,” hateten Lamukan ba Neon Metin bainhira ramata Tomada de Posse iha Salaun Laline-Larigutu, CNE, Dili , 5/01
