Reportajen Joselina dos Santos
Partidu Consellu Nasionál Resisténsia Tomor (CNRT), husu ba orgaun eleitorál CNE-STAE atu foti medidas rigor ba partidu politku sira ne’ebe uza patrimóniu estadu nian, bainhira hala’o kampaña, hodi tama sai suku no aldeia fahe sasán hodi esplora povu nia votus ba interese partidária, ho intensaun polítiku atu domina eleitór sira hodi vota ba sira nia partidu.
Liuhosi konferénsia Imprensa, Porta Voz Partidu CNR, Roberto Soares hateten, Prezidente Partidu CNRT Xanana Gusmão ho estrutura tomak louva no felesita ba militante simpatizante movimentu no apoiantes inklui forsa politiku sira ne’ebe apoia CNRT hodi demonstra iha Likisa, Kampu Futebool Eremera Gleno no Hatulia sira nia afirmasaun maximu votus konfiansa ba Prezidente atu kaer ukun hodi hatuur no hametin estadu ida ne’e ho dalan ne’ebe loos tuir prinsipiu estadu demokratiku.
“Prezidente Partidu CNRT ho estrutura tomak louva ba atetude ezekular husi militantes simpatizante no apoiantes ne’ebe hatudu ona maturidade politika iha dixiplina durante lalaok kampaña sente iha sein provokasaun no reajen ba provokasaun husi parte adversariu sira ne’ebé hamosu baralla ba orden públiku nian”, dehan Porta Voz CNRT, Roberto Soares Liuhosi Konferésnia Imprensa iha Sede CNRT Bairo dos Grilhos, kinta 11/05.
Tanba Partidu CNRT ho konviksaun tomak no konsidera katak povu Timor-Leste konsiente ona kona-ba votu sagradu ne’ebé iha atu deside ba futuru ne’ebé nabilan ba povu nomós ba Nasaun, tanba povu hatene katak Xanana Gusmão iha determinasaun atu transforma ba mehi sira nia ba realidade liuhosi planu eatratejiku dezenvolvimentu nasional 2011-2030.
“Ami hakarak mosu trianjen ba deklara públiku husi lider partidu boot balun ne’ebé deklara katak halo politika tenke ho étika, deklarasaun ida ne’e tuir partidu CNRT nia intendimentu ami lamenta tebes, tanba tuir ami nia koumprisaun bainhira iha teoria ita ko’alia etika maibé iha pratika mós tenke hatudu atitude étika konkreta,” Nia esplika.
Nia esplika liutan, bainhira halo politika ho étika signifika partidu sira labele uza rekursu estadu nian ka patrimoniu estadu nian hanesan kareta PNDS tama sai suku no aldeia iha tempu kampaña hodi fahe materiál kontrusaun atu konvense povu nia votus ba sira nia partidu, halo politika ho étika labele uza no obriga militante husi partidu seluk atu tuir sira nia partidu troka osan ka materiál konstrusaun tuir sira nia gostu.
Tanba ne’e, halo politika ho étika labele orienta ka organiza militante sira halo asaun tun ho violensia hasoru populasaun ka militamte partidu CNRT no partidu seluk hanesan akontese iha Vikeke, Loiulu, Watulari, Baukau, Wailili no Vemase, Ermera, Dili, Oekussi no Ainaro. Tanba ne’e halo politika ho étika labele insentivu nia militante atu halo atake intimidasaun hasoru militante sira seluk.
No Kazu sira ne’ebe akontese ba militante CNRT iha ne’ebe partidu CNRT iha kompletu hatudu katak, la’os de’it desrespeitu ba étika politika maibé lideransa balun ko’alia ho altu piadade tomak, maibé violasaun kontra prinsipiu estadu demokratiku ne’ebé Nasaun Timor-Leste adopta.
