Reportajen David da Costa
Pezidente Republika José Ramos-Horta, fó indultu ba eis Ministra Finansas (FM), Emelia Maria Valéria Pires no Eis Ministra Saúde (MS) Madalena Fernandes Hanjam, tuir Dekreitu Prezidente Republika Nú 125/2023, loron 14 Dezembru 2023, katak konsesaun indultu ne’e iha okazaun selebrasaun natal tinan 2023 nian.
Maibé Sekretáriu Jerál Partidu FRETILIN, Marí Alkatiri, hateten ba ema ida kondenada ka la kondenada, ne’e la’os nia kompetensia ne’e Tribunal nian, Tribunál maka trata asuntu ida ne’e. Prezidente nian fó indultu, mais Prezidente nia kompetensia mas la’os indultu para troka fali Tribunál.
Nia hatutan, atu labele kontinua konflitu entre organika, estadu ne’e iha rin haat, rin ida-idak ho nia kompetensia, ne’e maka estadu de direitu. FRETILIN kontra lei indultu ne’e, Prezidente iha kompetensia ka laiha kompetensia fó indulut ne’e buat seluk, fó tuir dalan ida loos ka la loos ne’e oin seluk mas FRETILIN kontra maka lei indultu ne’e.
“Ha’u lakohi koalia ba ema ida kondenada ka la kondenada, ne’e la’os ha’u nia kompetensia ne’e tribunal nian, tribunal maka trata asuntu ida ne’e. Prezidente nian fó indultu, mais ne’e Prezidente nia kompetensia mas la’os indultu para troka fali Tribunal,” dehan Sekretáriu Jerál Partidu FRETILIN, Marí Alkatiri, Iha salaun Bankada Fretilin, iha Paralamentu Nasional, Kuarta 20/12.
Maibé iha Timor buat ida sala maka ne’e, tribunal seidauk kondena, sosiedade uluk maka kondena uluk ona ne’e mós la loos. Husik ne’e kompetensia Tribunal nian, husik Tribunal maka trata asuntu ida ne’e la’os sosiedade sivil, sosiedade militar, sosiedade hotu-hotu maka kondena uluk ona.
“Ne’e maka ha’u dehan, sei tuir regras ka la tuir regras, la’os bele ka labele fó ne’e buat seluk, tuir prosedimentu ka la tuir prosedimentu, se tuir prosedimentu nia kontestu saida? Ne’e maka ha’u dehan, se naran Emilia ka Madalena ne’e ha’u lakohi diskute ida ne’e,” nia esplika.
“Ita hotu hakarak sai Juis, Prezidente Republika hakarak sai Juis, se PM aktual sai Prokuradór, ne’e la loos, ne’e sala,” nia subliña.
