Reportazen Zevonia Vieira
Centru Integradu Jestaun Krize [CIJK] hatoo informasaun ba publiku konaba situasaun moras COvid-19 iha Timor-Leste loron 17 Abril.
Liu hosi konferensi imprensa, portavoz CIJK, Dr. Rui Arauo informa katak total kazu konfirmadu hamutuk 18 hanesan horseik no laiha kazu foun ba ohin loron 17 Abril. Ba Total kazu rekuperadu ka kuradu 1, nafatin hanesan iha loron 10 Abril.
Ba kazu suspeitu 236 [horseik iha 229], total kazu provavel 4, Provavel katak ema ne’ebe rezultadu laboratoriu indeterminadu ka sedauk bele determina se konfirmadu ka lae, total rezultadu laboratoriu sedauk hatene iha 19 [horseik iha 12], ba total rezultadu laboratoriu negative iha 195 nafatin hanesan horseik.
Liu hosi konferensia imprensa Dr. Rui Araujo hateten kazu konfirmadu no kazu provavel ne’ebe agora Timor-Leste iha, restritu ba grupu ka klister 4 katak, grupu hotel Katuas hamutuk ema konfirmadu 16, provavel nain 2.
“Grupu ida ne’e maioria halo viajem hamutuk iha bis ida deit, iha loron 1 Abril no sira hotu hela hamutuk iha bis ida deit, iha loron 1 Abril no sira hela hamutuk iha hotel Katuas”, esplika Dr. Rui Araujo iha CCD, 17/04/20
Relasion iho hotel Fortuna, Dr. Rui hateten grupu hotel Fortuna provavel 1, kazu ida ne’e ho ninia kolega sira seluk iha hotel Fortuna, halo viajen ho bis ne’ebe hanesan ho sira iha hotel Katuas iha loron 29 Marsu.
Hosi hotel Timing konfirmadu 1, kazu ida ne’e viajen iha bis MTCI nian hosi fronteira mai Dili iha loron 2 Abril. Hosi grupu Hotel Novo Horizonte provavel 1 katak to’o iha fronteira iha loron 8 Abril iha sintomas, bainhira halo teste rezultadu indeterminadu.
“sira nain 21 iha hotu Vera Cruz, iha fatik ketak ba konfirmadu no fatin ketak ba sira provavel. Ekipa medika sira monitoriza hela sira, inklui mos iha akompanhamentu spiritual no psikolijiku online, liu hosi Whatsapp”, esplika Dr. Rui Araujo.
