Reportazen Santina Lucia da Costa
Relasiona ho petisaun ne’ebe Noemio Falcao ho nia aliadu sira hatama iha Palamentu Nasional (PN) hodi protesta ba konferensia Asosiasaun Jornalista Timor Lorosa’e (AJTL) ne’ebe realiza iha loron 4 Julhhu 2020, hodi reprezentante AJTL ba Konselho Imprensa period 2020-2024, konsidera laiha Legalidade no laiha Lejitimidade
Liu hosi konferensia imprensa AJTL, Prezidente AJTL Zevonia Vieira hateten estrututra AJTL haree no estuda situasaun dadauk ne’e, iha tentativa sira hasoru
AJTL relasiona ho konferénsia AJTL nian, hodi hili nia reprezentante atu tur iha Conselho de Imprensa (CI).
Rezultadu eleisaun konferénsia iha 4 Jullu 2020 ne’ebé konferensista maioria hili Virgilio “Lamukan” Guterres, halo ema balun ho ninia grupu kestióna legalidade no lejitimidade vitoria ne’ebé Lamukan Guterres gaina.
Kontinuasaun husi situasaun ne’e jornalista Timor Post, Noemio Falcao ho ninia grupu aproveita biban ne’e, hodi hato’o petisaun ba Parlamentu Nasional atu protesta rezultadu eleisaun iha konferénsia AJTL nian ne’ebé Virgilio Lamukan nưdar manan-na’in.
Bazeia ba justifikasaun no razaun sira ne’ebé temi iha leten, AJTL nudar mahon ba jornalista sira, hakarak hato’o nia pozisaun mak hanesan, AJTL konsidera rezultadu eleisaun iha konferénsia AJTL ha 4 Jullu 2020 nuudar rezultadu final no desizasaun aas-liu ne’ebé konferensista sira foti hodi fó fiar ba Eis-Prezidente AJTL, Virgilio “Lamukan” Guterres atu reprezenta jornalista sira hodi sai membru Conselho de Imprensa (CI) ba periódu 2020 – 2024.
“AJTL
nomea Virgilio Lamukan Guterres nudar ninia reprezentante ba Cl, tamba nia
hanesan membru ativu AJTL nian, ne’ebé durante ne’e reprezenta asosiasaun hodi
promove dezenvolvimentu midia no jomalizmu iha rejiaun sudeste Aziátiku no iha
mundu”, hateten Zevonia Vieira 10/07.
AJTL konsidera petisaun ne’ebé Noemio Falcao ho ninia grupu hato’o ba
Parlamentu Nasionál, laiha legalidade no laiha lejitimidade tamba Noemio Falcao
la’ós membru AJTL ne’ebé partisipa iha konferénsia AJTL nian.
Tuir AJTL desizaun konferénsia ka kongresu AJTL nian iha 4 Jullu mak desizaun ne’ebé aas-liu buat hotu, tamba konferensista na’in 221 mak fó votu ba membru Conselho de Imprensa eleje Virgilio da Silva Guterres no konfrensista nain 24 mak fó votu ba Rita Almeida.
Bazeia
ba Lei Komsos Artigu 46, Estatutu Conselho Imprensa 19, Regulamentu Interna
Conselho Imprensa númeru 2/2019, Artigu 3 no Estatutu Conselho de Imprensa
Artigu 17, AJTL hili ninia reprezentante kompetente no kualifikadu ho vizaun
luan hanesan Virgilio Lamukan Guterres, hodi firme defende liberdade imprensa
no liberdade espresaun iha Timor-Leste.
AJTL Afirma mós katak AJTL hili ninia reprezentante jornalista, la’ós hili
jornalista ba tur iha Conselho de Imprensa.
AJTL konsidera Noemio Falcao ho ninia grupu ninia petisaun ne’e, nu’udar
estratejia ida atu hamonu imagen AJTL nian ho Misi Politik terselubung,
atu hamate liberdade imprensa no espresaun, tamba grupu petisionáriu ne’e rasik
afavor ba esbosu Lei Kriminalizasaun Defamasaun iha Timor-Leste.
Ho
pozisaun ne’e AJTL husu ba Parlamentu Nasional, atu lalika tau iha konsiderasaun
petisaun ne’ebe Noemio Falcao ho ninia grupu submeter, tamba viola desizaun konferensia
AJTL nian, ne’ebé realiza iha 4 Jullu 2020 hodi hili Membru AJTL, Virgilio “Lamukan” Guterres atu sai
nudar membru Conselho de Imprensa periódu 2020-2024.
AJTL husu públiku atu lalika fiar grupu petisionáriu Neomio Falcao ne’ebé dehan
katak, konferensista ho totál númeru 256 ne’ebé mak vota iha eleisaun
konferénsia nian ne’e, maioria la’ós jornalista.
Tuir AJTL konferensista sira ne’ebé vota ne’e legál no lejitimu, tanba hetan aseitasaun maioria husi konferensista sira. Noemio ho ninia grupu tuir loloos kestiona mós processu eleisaun iha ninia asosiasaun rasik, tamba uza kriteriu hanesan iha-ne’ebé konferensista balu la tuir kritériu maibé ba vota.
Husu ba membru AJTL hotu-hotu, atu matan-moris no neo-nain tamba ajente partidu politiku sira nian, hahú infiltra tama iha asosiasaun jornalista nia leet, hodi influensia membru sira atu tama iha sira nia lasu politika.
Husu ba membru AJTL balun ne’ebé karik asina mós petisaun ne’e, sees dadauk ona husi asosiasaun ne’e tamba aktu ne’ebé ita-boot sira halo ne’e nu’udar traisaun boot ba AJTL hanesan organizasaun no ninia prinsipiu sira.
