Home Notisia Promove Arte no Kultura Antes Tama ba ASEAN

Promove Arte no Kultura Antes Tama ba ASEAN

175
0
Partisipantes Seminar Arte Kultura (Foto: Santina L. da Costa)

Reportajen: Santina L. Da Costa

Sekretariu Estadu Arte no Kultura, Teofilo Caldas husu atu joven sira promove nafatin arte no kultura. Lia hirak ne’e hato’o iha Seminar Promove Arte no Kultura iha Adeasaun ba ASEAN, mak organiza hosi Asosiasaun Hadomi Timor (AHT). AHT konsidera importante atu promove arte no kultura antes Timor-Leste tama ba ASEAN.

Iha Seminar ne’e Sekretariu Estadu Arte no Kultura,Teofilo Caldas, husu ba jerasaun foun sira atu kontinua promove nafatin ita nia identidade kultural nian liu-liu hanesan tais, no uma-adat.

“Hau husu ba entidades hotu-hotu para atu bele kontribui liu-liu ba area arte no kultura. Tenki ho protesaun prezervasaun no konservasaun ba ita nia patrimoniu kultural no objetu kultura”, dehan Teofilo Caldas iha nia intervensaun ba seminar mak halao iha loron 14/09, iha UNITAL, Dili.

Nia mos hatutan dehan, ita atu proteje ita nia uma lulik sira, objetu kultural hanesan tais, liu-liu mak uma-lulik ho ai-lulik no foho lulik sira tuir Dekretu 33/2017. Dekretu lei ne’e define katak fó protesaun ba fatin lulik sira ne’e inklui uma-lulik sira, ita nia uma lulik sira ne’ebe aat ona ne’e husu ba komunidade sira atu hadia ka konstrui  fila-fali.

“Ami iha apoiu finanseiru uituan tuir Dekretu Lei 33/2017 mais laos ami apoiu barak. Mais ami apoiu ba uma lulik, maibe komunidade mak konstrui depois inagurasaun ami fo apoiu uituan”, Teofilo hatutan. Sekretariu Estadu ne’e akresenta kultura hanesan identidade nasional timor-leste, it promove ba mundu ne’e liu husi espozisaun sira, ita lori ita nia tais ita nia objetu kultural sira ba halo espozisaun ita tau mos  iha sistema onlineida atu ema hotu bele asesu, kria ami nia website ida atu divulga protesaun ita nia identidade kultural sira. Loron 14 Outubru 2018 mak Loron Nasional ba Kultura no Sekretaria iha ona planu atu realiza espozisaun noite kultural hodi nune’e bele promove ita nia kultura timor, mais imprinsipiu bazeia ba lei dekretu 33/2017 ne’e ita tenki proteje, prejerva no konserva ita objetu kultural patrimoniu kultural sira labele estraga.

Iha fatin hanesan Diretór AHT, Manuel Boavida Hornai Soares hateten, objetivu ba seminariu ne’e primeiru ba arte no kultura, tanba ita hare’e ba ita nia rai timor ne’e agora mihis, oinsa mak ita bele hadia no haburas fila-fali arte kultura. Arte katak ita kolia kona-ba lia dadolin sira ne’e, koalia kona-ba hananu sira ne’e, tanba hananu sira ne’e agora kuaze lakon, agora ita koalia konaba kultura ne’e katak lisan, lisan sira ne’e agora dadaun ita nia uma lisan sira ne’e kuaze halo ho kalen de’it ona  entaun ita  nia kultura orijen ne’e hahu lakon ona .

Diretór AHT ne’e mós hateten, Agora ita kolia kona-ba adeasaun ba ASEAN, ita bele hare’e bele ansi tama ba iha ASEAN, maibé ita mós labele haluha presiza mós hadia ita nia rai laran, ita hadia uluk ita nia rai laran depois mak adere ba ASEAN.

Seminariu ne’e foin primeira vez halo, no sei kontinua halo iha fulan Outubru, Novembru to’o Dezembru, depois ba iha tinan 2019 ita sei halo seminariu nivel nasional ho nivel internasional, nune’e mos sei konvita peritus sira hodi fahe sira nia esperiensia ba ita. Seminariu refere partisipa husi estudante UNITAL, UNDIL , no orador mai husi Ministru Negosio Estranjeiru no Kooperasaun ka reprezentante hosi Diretor Jeral ba ASEAN Sr. Jorge Camoes, Diretóra Arte no Kultura.

LEAVE A REPLY

Please enter your comment!
Please enter your name here