Home Meio Ambiente Babailasa-dai (Chromolaena Odorata), Agrikultores La Gosta, Maibe Bele Kura Moras

Babailasa-dai (Chromolaena Odorata), Agrikultores La Gosta, Maibe Bele Kura Moras

398
0
Ai-horis Chromolaena Odorata ka iha lian Makasae-Ossu bolu Babailasa-dai.

Chromolaena Odorataka iha lian Makasae-Ossu bolu Babailasa-dai, Fataluku bolu Sisai Laman, Mambae Ainaro bolu Asoehu no iha lian Mambae Aileu bolu Aiheti-merdeka (mambae kahur Indonesia). Mambae sira bolu hanesan ne’e nia karakter ai ne’e nian mak moris arbiru deit no okupa hotu ai-horis seluk nia fatin. Chromolaena Odoratamak ai-horis ne’ebe moris iha fatin tropiku sira. Ai-horis ida ne’e moris barak iha Timor-Leste no dala barak sai inimigu ka la fo ksolok ba agrikultor sira. Chromolaena Odorata moras fasil iha rai mamuk sira, liliu iha rai sira mak kona loron barak. Ai-horis ne’e fasil moris no buras lalais.

Estudus hosi Brito et all nian hatete katak Chromolaena Odorata afeta dut moris ba karau, bibi, no kudar sira no fo efeitu negativu ba produtividade aihan. Ho Fundu hosi Australia nian governo introdus kontrola biolojiku ida naran Gall Fly maibe metodu kontrolu ida ne’e to’o agora la susesu.

Maski ai-horis ida ne’e agrikultor sira la gosta, maibe ai-horis ida ne’e util teb-tebes ba ema nia saude. Tuir peskija laboratoriu hatete katak ai-horis ne’e kontein subtansia Fenol, Alkaloid, Trepenoid, Tannin, Flavonoid, no Limonene. Subtansia hirak ne’e bele kura moras diabetes, kanek, kista, kolesterol, kankru, malaria, vertigo, diarea, anti-bakteria, anti-oksidan, kontra veneno, no moras fuan.

Fontes: hosi internet

 

LEAVE A REPLY

Please enter your comment!
Please enter your name here