Reportajen David da Costa Gusmao
Liu husi komferensia imprensa, Kordenador Pilar III COVID-19, Dr. Josefina Clarinha Joao informa ba jornalista sira katak, ohin 4 Fevereiru 2021, Komisaun Nasionál ejista tan sidadaun Timor-oan na’in 1 idade 29, sai illegal hosi Salele, Suai, ba Atambua, no tama fali liu tuir dalan illegal, no teste hatudu rezultadu postivu COVID-19.
“Mane ida ne’ebé ho idade 29, iha 20 janeiru 2021, sai husi Salele, Munisípiu Covalima ba Atambua, Indonézia, liuhusi dalan ilegal, iha 22 Janeiru nia desisdi fila mai Timór liuhusi Malaka, no tama nafatin liuhusi dalan ilegal parte Salele nian. Iha loron 22 ne’e kedas Polísia Patrullamentu Fronteira (UPF) kaptura no lori ba submete iha kuarentena”, Dr. Josefina esplika.
“Ohin 4 Fevereiru ami nia ekipa vijilánsia ba foti amostra swab, no rezultadu teste hatudu katak sidadaun ne’e pozetivu COVID-19. Dadauk ne’e ekipa prepara ona atu transporta mai sala izolamentu Vera Cruz, Dili”, Dr. Josefina hatutan.
Nia salienta Iha kuarentena suai iha iha ema na’in 16 mak kumpri hela kuarentena, na’in 15 nu’udar ekipa serbisu hanesan médiku, enfermeiru, pesoaál limpeza no seguransa.
Entertantu dadus Komulativu Teste 19,506, Hein Rezultadu 55, Komulativu Kazu 80, Kazu Foun +3, Komulativu Negativu 19,371, Atuál Baixa sae ba 27 (Dili: 26, RAEOA: 1), Kuarentena 235 (Dili: 121, Munisípiu:114), Auto-Kuarentena 149 (Dili: 142, Munisípiu: 7).
