Home Justisa PDHJ Rejista Keixa Violasaun Direitu Umanus Iha 42, Boa Governasaun Iha 34...

PDHJ Rejista Keixa Violasaun Direitu Umanus Iha 42, Boa Governasaun Iha 34 Durante Fulan 6

900
0
Provedora Direitus Umanus no Justisa, Jesuina Maria Fereira Gomes. [Foto: Aguida | 23.06.2021]

Reportajen Francisco JDA

Ekipa Providoria Direitus Umanus e Justica ( PDHJ) ohin hasoru Prezidente Parlamentu Nasionál (PPN) Aniceto Guterres, hodi entrega relatóriu atividade 2020, tanba tuir lei PDHJ iha artigu 36 no 46 hatete katak to’o 30 Juñu kada tinan PDHJ tenke hatama relatóriu ba Parlamentu, ne’ebé aprezenta atividade estatístika keixa kona ba kazu nian ne’ebé hahú hosi Janeiru to’o Dezembru.

Tuir dadus hosi PDHJ ba tinan 2020 rejista keixa hamutuk 246, 94 iha area boa governasaun nian no 152 kona ba direitus umanus nian, nune’e iha 2021 hosi Janeiru to’o mai Juñu rejista kazu jerál hamutuk 76 no 34 kona ba boa governasaun no 42 ba indices violasaun direitus umanus nian.

Tuir Provedora Direitus Umanus no Justisa, Jesuina Maria Fereira Gomes ba jornalista sira hateten, keixa sira ne’ebé liga ba iha serka sanitaria no konfinamentu obrigatorio PDHJ revista iha keixa 7, ne’e inklui mós atuasaun polísia nian no keixa kona ba boa governasaun iha ida.

Bainhira Neon Metin husu kona ba tanba sa PDHJ sempre tarde ba publikasaun kazu sira kona ba violasaun direitus umanus? Ba Neon Metin Provedoria hatan katak PDHJ serbisu tuir lei no tuir regras, kuandu PDHJ simu keixa ka informasaun hosi media, sei hatun ekipa ba monitorizasaun no tenke iha faktu no dadus saida mak akontese iha terenu, PDHJ kuandu la iha apuramentu entaun labele fó uluk katak ne’e violasaun direitu Umanu ka lae, ne’e regra PDHJ nia tuir prosedimentu ne’ebé nia natureza serbisu ne’e,  la hanesan organizasaun sira seluk,” hateten Provedoria Jesuina Maria Fereira iha PN, 23/06

Nia realsa tan, hanesan akontesimentu ne’ebe iha, PDHJ tuir regra no prosedimentu mak atura uluk faktu no depois halo intervensaun lalais liu mak haruka karta ba iha Primeiru Ministro (PM) atu bele halo intervensaun imediata no hapara aktu sira ne’e, maibé iha mós difikuldade mak prosesu investigasaun ne’e han tempu fulan 6 no bele extende to’o tinan ida.

“Difikuldade ne’ebé agora ami iha mak investigasaun iha munisípiu sira, seidauk bele hala’o tanba serka sanitaria no konfinamentu obrigatóriu,” hateten Provedoria Jesuina Maria Fereira

Print Friendly, PDF & Email

LEAVE A REPLY

Please enter your comment!
Please enter your name here