Home Justisa Sedauk Iha Solusaun Hosi Dialogu Harii Sidade Universidade, RbR: Dalan Uniku Mak...

Sedauk Iha Solusaun Hosi Dialogu Harii Sidade Universidade, RbR: Dalan Uniku Mak Tribunal

952
0
Komunidade nain ba rai ho RbR halo konferensia imprensa. [Foto: Francisco JDA | 13.07.2021]

Reportajen Francisco JDA

Relasiona ho planu Ministériu Ensino Superior Siénsia no Kultura (MESSK) ne’ebé sei harii sidade universidade iha Aileu, Suku Bandudati, Aldeia Mantane maibé komunidade hamutuk uma kain 27 sente la satisfás, tanba maske halo diálogu ho komunidade ba dala 14, maibé la iha solusaun no la iha komunikasaun ne’ebe diak, ho nune’e komunidade suku Bandudati husu governu halo sidade iha rai Mauxadu, ho rai hectares 66.

Ho asuntu ne’e, Organizasaun Rede ba Rai ne’ebé durante ne’e luta ba Justisa, no hela fatin kontinua akompaña komunidade sira hodi defende sira nia direitu ba rai no hela fatin

Tuir Koordenadór Nasionál Rede ba Rai (RbR), Pedrito Vieira informa katak, iha inisiu kedas governu halo buat ruma la los ona, liga ho sidade universidade tanba iha konsultasaun ba deside fatin, la tuir prosedimentu lei espropriasaun númeru 8 no halo konsultasaun klean

“Situasaun ida ne’e Rede ba Rai sei buka meius nafatin atu hasoru Ensino superior, Parlamentu Nasionál, no Primeiru Ministru tanba iha prosesu ne’e mak seidauk iha konkordansia dalan ida uniku, no atu hetan Justisa ne’e mak tribunal, entaun Rede ba Rai ho nia advogadu prontu no konsidera katak rai ida ne’e, sei iha problema nia laran entaun labele iha atividade saida de’it no labele marka uma ka rai, kuandu seidauk iha desizaun iha Tribunal”, hateten Koordenador Nasionál Rede ba Rai iha Aileu Suku Mantane hafoun akompnha komunidade Afetadu ba projeitu Sidade Universidade Aileu, 07/07

Koordenadór Rede Ba rai ne’e dehan, RbR kontinua koopera nafatin ho entidade benefisiáriu sira, para tenke konsidera komunidade sira nia sentimentu no moris ba oin ne’e oinsá, no labele halo desizaun polítika bazeia fali ba buat mamuk, maibé ida ne’e nafatin fo asisténsia juridiku ba komunidade sira atu iha tempu oin komunidade sira bele hetan Justisa sosiál ba sira nia preokupasaun no sira nia problema.

Iha Fatin hanesan komunidade nain ba rai, Gertrudis Gama hatete katak governu halo sosializasaun dala hira ne’e la iha solusaun no rezultadu,  maibé sira halo de’it falsu dokumentu katak dokumentu ne’ebé mak tama kompletu ona, maibé realidade komunidade iha ne’e la aseita to’o agora, tanba rai ne’e bokur no potensiál ba agrikultura nian

“Ami sei luta to’o ne’ebé de’it, ami prontu mate ba rai ne’e, ami lubun boot ne’e prontu mate, rai ne’e beiala sira husik hela mai ami, to’o iha ne’ebé de’it ami sei luta too tribunal mós ami sei luta,” hateten Komunidade nain ba rai Gertrudis Gama

Print Friendly, PDF & Email

LEAVE A REPLY

Please enter your comment!
Please enter your name here