Home Justisa Komisaria Direitu Labarik Kontinua Enkoraja Labarik Topu Honis Atu Koalia Sai

Komisaria Direitu Labarik Kontinua Enkoraja Labarik Topu Honis Atu Koalia Sai

603
0
Komisaria Direitu Labarik Dinorah Granadeiro (Foto: Dili Weekly)

Prosesu julgamentu ba kazu violasaun sexual hasoru labarik, pedofilia, violensia domestika no pornografia labarik hasoru arguido Richard Daschbach lao hela dadaun iha Tribunal Oecusse. Iha Dili, Parlamentu Nasional, iha Komisaun F ne’ebe trata asuntu sosial no saude nian halo hela audiensia publik, hasoru malu ho organizasaun sosiedade civil sira hodi koalia kona ba kontiudu lei ne’e. Iha momentu prosesu justisa ba kazu Topu Honis, Komisaria Direitu Labarik, Dinorah Granadeiro enkoraja labarik sira iha Topu Honis atu labele tauk atu koalia lialos.

“Saida mak CDC (Komisaun Direitu Labarik) halo hodi fo apoiu ba labarik sira iha Topu Honis mak kontinua enkonraza sira atu labele tauk koalia lialos, no CDC kontinua servisu ho MSSI fo apoiu aihan ba labarik sira iha Topu Honis”, Komisaria Dinorah hato’o ba Neon Metin via WhatsApp, 9/07.

Enkorajamentu ba sasin sira hosi violasaun sexual hosi Richard Daschbach nian mos halo tiha ona hosi Xanana nia oan sira. Alex, Kay no Daniel hatete iha sira nia karta ba vitima sira atu enkoraja labarik no joven sira seluk, atu barani hatete sai sira-nia esperiensia, inklui sira-nia terus, maski bele halo ema barak la konfortavel no hakribi. Xanana nia eis-espoza Kirstry Sword hatutan karta enkorajamentu hosi Alex, Kay ho Daniel nian ba publik hodi fo sai saida mak nia oan sira hato’o iha 31 Janeiru 2021 liu hosi ID Facebook Kirsty Sword nian.

Relasiona ho kazu Topu Honis, Komisaun mos expresa katak Projetu Lei Protesaun Labarik ne’e importante ba labarik sira mak iha situasaun defisil nia laran.

“Projeito Lei Protesaun Labarik importante tebes tanba Lei ne mak fo biban ba MSSI no instituisaun sira seluk atu ezerse sira nia servisu ho diak liu tan, liliu iha situasaun nebe labarik sira iha situasaun defisil, MSSI bele foti kedan asaun imediata hodi proteje labarik sira ne hodi hases hosi fatin ka pesoal nebe fo ameasa ba labarik sira”, Dinorah hatutan.

Julgamentu ba kazu Topu Honis halao besik semana rua ona iha Tribunal Oecusse. Julgamentu ba dala ida ne’e hetan prezensa hosi ema hotu, arguido Richard Daschbach, sasin hosi arguido nian, sasin ka violasaun sexual, advogadu hosi parte arguido no Ministeriu Publik no mos sasin sira mak hela iha rai liur.

Print Friendly, PDF & Email

LEAVE A REPLY

Please enter your comment!
Please enter your name here