Home Justisa 13 Jullu, Kazu Topu Honis, TDO Rona Deklarasaun Sasin na’in 7 Husi...

13 Jullu, Kazu Topu Honis, TDO Rona Deklarasaun Sasin na’in 7 Husi Ministériu Públiku

495
0
Tribunal Oecusse (Foto: Timor Post)

Reportajen Jhoe Exposto

Prosesu julgamentu ba kazu pedofilia ne’ebé deskonfia komete husi RD la’o durante semana ida ona tu-tuir malu, hahú iha loron 5 to’o 13 Jullu,  Ministeriu Publiku (MP) kontinua nafatin rona deklarasaun husi sasin sira iha loron 13 Jullu.

Tuir observasaun jornalista iha Tribunal Distrital Oe-cusse (TDO), prosesu ne’e la’o namanas hela no julgamentu ba kazu seluk adia ba fulan seluk tanba TDO daudaun ne’e fokus liu ba kazu pedofilia ne’ebé deskonfia komete husi RD.

Iha Prosesu julgamentu husi loron 5-7 Jullu, TDO rona uluk sasin husi labarik orfanatu Topu Honis, ne’ebé aprezenta husi advogadu RD no husi loron 8 to’o 13 Jullu ne’e kontinua rona tan sasin na’in 7 ne’ebé mai husi Ministeriu Publiku (MP).

Durante prosesu la’o iha TDO,  sasin sira tama ba sala julgamentu akompaña husi advogadu sira, JU,S, AlfeLa, Polisia VPU, no  JSMP.

Iha prosesu julgamentu dala ida ne’e, arguidu RD la marka prezensa iha sala julgamentu maibé tur de’it iha sala Defensoria Públiku iha TDO nian tanba prosesu ne’e, TDO sei rona nafatin deklarasaun husi sasin sira de’it.

Prosesu julgamentu ba kazu Topu Honis prezide husi Juiz koletivu Dr. Yudi Pamungkas, Dr.Hugo da Cruz Poi, Dr. Evangelino Belo no hosi Ministériu Públiku Dr. Matias Soares.

Kazu pedofilia ne’ebé deskonfia komete husi RD, hetan asisténsia legal husi advogadu Dr. Joao Dung, no Dr. Miguel Acácio Faria, Dr. Ambrósio Rangel no Dr. Olívio Barros husi JU,S

Print Friendly, PDF & Email

LEAVE A REPLY

Please enter your comment!
Please enter your name here