Home Notisia AFEDENA Husu SEFOPE Harii Sentru Formasaun iha Ainaru Ba Joven Sira

AFEDENA Husu SEFOPE Harii Sentru Formasaun iha Ainaru Ba Joven Sira

397
0
munisipiu Ainaro. [Foto: Dok. google | 19.11.2021]

Reportajen David da Costa Gusmao

Asosiasaun Feto ba Dezenvolvimentu  Ainaru (AFEDENA)  husu Sekretáriu Estadu Formasaun Profisionál no Empregu (SEFOPE), hodi harii sentru formasaun iha munisípiu Ainaro, atu bele fasilita joven sira ne’ebe la kontinua nia estudu iha universidade.

Prezidente Asosiasaun Dezenvolvimentu  Ainaru (AFRDENA), Ana Maria Pereira deklara katak iha munisípiu Ainaro joven sira maka remata ona eskola ensinu sekundária Ainaru, sira kbiit laiha atu kontinua sira nia estudu iha Universidade, sira atu ba tuir formasaun iha Dili fatin atu hela laiha, karik sira hela iha kos mosu problema oi-oin no violénsia sira.

“Ho ida ne’e, hau hakarak husu ba   Sekretariu Estadu Formasaun Profisinal e Empregu, atu harii centru formasaun ida iha munsipiu Ainaro, atu bele faselita Joven sira ne’ebe mak la kontinua sira nia estudu iha universitariu hodi be tuir formasaun iha ne’e deit,” dehan Ana Maria, Banhira halo nia intervensaun dada lia ho Lú Olo, iha Salaun Parokiál Ainaro, Sexta 19/11.

Alende ne’e mós nia informa, SEFOPE haruka joven sira ba aprende iha rai liur, ema ida la inpede maibe sira bainhira ba ona iha rai liur mai fali tenke aplika fali buat ne’ebe sira aprende ona.

“Ita haruka deit sira ba joga, maibe sira mai fali la hatudu saida mak sira aprende iha rai liur, oinsa ita boot nia politika, se gasta deit osan haruka sira ba rai liur, depois sira fila fali mai sira la halo buat ida, Timor ita atu lori ba ne’ebe,” nia kritika.

Hatan ba preokupasaun sira ne’e, Sekretáriu Estadu Formasaun Profisionál no Empregu, (SEFOPE)  Alarico Dos Reis hatete, iha Timor-Leste hot-hotu prekupasaun mak area formasaun nian, tanba formasaun mak hanesan lalenok ida ba joven sira iha Timor laran tomak, hodi hadi’a joven sira.

“Ita hotu preokupa mak area formasaun, tanba formasaun mak bele hadi’a joven sira nia moris iha Timor-Leste. Tanba ne’e mak hau dehan juventude futuru ba nasaun labele koalia ba pasadu,” nia dehan.

Nia esplika Ainaru koalia konaba formasaun ne’e mamar la halimar mas konaba rai toos hanesan fatuk, tanba fatin ne’e avo sira nia hotu no rai privadu hotu. Maibe sentru formasaun ne’ebe SEFOPE harii iha Timor laran tomak hamutuk 229, ida ne’e akriditadu  25, sentru komunitaria 100 resin, ida ne’ebe registadu 95, maibe iha Ainaru ida laiha.

Print Friendly, PDF & Email

LEAVE A REPLY

Please enter your comment!
Please enter your name here