Home Notisia Fasilidade Suku Launa Laiha Fasilidade Hodi Halo Serbisu, Aluga Laptop no Printer...

Fasilidade Suku Launa Laiha Fasilidade Hodi Halo Serbisu, Aluga Laptop no Printer Atende Komunidade

395
0
Xefe suku Lauana, Postu Administrativu Letefoho, Munisípiu Ermera, Miguel Gomes Maia. [Foto: Santy | 08.12.2021]

Reportajen Santina Lusia da Costa

Xefe suku Lauana, Postu Administrativu Letefoho, Munisípiu Ermera,  Miguel Gomes Maia hateten, durante ne’e seidauk hetan fasilidade  hanesan komputador, laptop no printer, aluga de’it ema nia laptop, printer hodi atende komunidade sira.

Xefe suku Lauana Miguel Gomes Maia, hato’o preokupasaun ne’e ba Neon Metin iha edifísiu Postu Administrativu Letefoho, Munisípiu Ermera foin lalais ne’e.

“Fasilidade iha suku ami seidauk hetan komputadór maibé iha suku sira dez-araska tanba mesin ketik ne’e agora ami la uza ona, mesin ketik ninia material iha Dili la fa’an ona, hanesan xefe suku buka meius ba ema nia Rental, uza ema nia printer, laptop, hodi ketik, print deklarasaun ne’ebé lor-loron komunidade mai hein hela.” hateten, Xefe suku Lauana Miguel Gomes Maia.

Miguel dehan durante ne’e seidauk hetan fasilidade, agora tenta hela Ministériu Estatál prepara duni ona, maibé seidauk hetan to’o agora no seidauk rona informasaun.

“Durante ne’e aluga ema nia Laptop, Printer, nune’e ami bele atende komunidade sira liuliu estudante sira ne’ebé atu hasai kartaun eleitoral. Ami aluga ne’e selu, hanesan print deklarasaun ba laptop na’in ne’e selu $ 10 dollar, depende ba nesesidade ita uza, uza loron rua ka semana selu tuir ida ne’e. dalaruma ami tau iha Flesh ba lori ba Munisipiu Print iha ne’eba.” Espresa Miguel ba Neon Metin

Xefe Suku Lauana rekomenda ba Governu, se bele prepara hela fasilidade sira tau iha suku atu ne’ebé bele hafasil ba hodi bele serbisu nune’e bele entendimentu ba komunidade sira nia presiza.

Entretantu, kona-ba Salariu Xefe Suku nian, Miguel Gomes Maia hateten, Salariu ladi’ak tanba la koresponde sira nia serbisu fulan ida $ 140 de’it, maibé to’o fulan tolu ka neen mak foin simu dala ida.

“Hau nu’udar xefe suku kona-ba salariu ladi’ak, tanba ami simu insentivu mais la koresponde ho ami nia serbisu, serbisiu todan liu mais insentivu kada fulan ne’e $ 140 de’it. Ami la simu fulan-fulan, simu kada trimestral, fulan tolu ka neen mak foin sira haruka osan mai ami foti.” konfesa, Miguel.

Nia konklui se bele governu buka tenta oinsa bele korresponde apar ho Xefe Suku nia serbisu, serbisu todan liu duké funsionáriu sira, tanba serbisu lahatene loron Sabdu no Domingo, komunidade nia presiza kualker tempu kalan ka loron nafatin responde.

Tuir dadus Iha Suku Lauana iha aldeia hamutuk 10 hanesan, Alosai, Grotu, Hatugeo, Lemeluhi, Leubasa, Quiri Lelo, Raebou/Ainapa, Raebou/Sloi no Roulo,  xefe familia hamutuk 675, total abitantes ne’e 3.364.

Print Friendly, PDF & Email

LEAVE A REPLY

Please enter your comment!
Please enter your name here