Home Notisia CDTL Husu Apoiu Prezidente Repúblika Oinsa Dezenvolve Desportu Iha TL

CDTL Husu Apoiu Prezidente Repúblika Oinsa Dezenvolve Desportu Iha TL

44
0
Konfederasaun Desportu Timor-Leste. [Foto: Media PR | 23.06.2022]

Reportajen Santina Lucia da Costa

Konfederasaun Desportu Timor-Leste (CDTL), hasoru malu ho Prezidente Repúblika, Dr. Jose Manuel Ramos Horta hodi husu apoiu oinsa dezenvolve desportu iha Timor-Leste, no hato’o papél CDTL nian.

Hafoin enkontru Prezidente CDTL Interinu, Inocencio Araújo da Silva, hateten, Papél CDTL mak atu haree ba dezenvolvimentu Federasaun Desportiva sira ne’ebé afiliadu ba Konfederasaun, neste momentu iha 35 Federasaun Desportiva ne’ebé afilia ba iha CDTL.

“Ami husi Konfederasaun Desportu Timor Leste (CDTL), mai hasoru Prezidente Repúblika hato’o papél CDTL ba Xefe Estadu atu bele akompaña prosesu tomak ne’ebé la’o hela iha rai laran hamutuk ho federasaun desportiva hamutuk 35 afilia ba Konfederasaun Desportu Timor-Leste.” dehan Prezidente CDTL Interinu Inocencio Araújo da Silva ba Jornalista sira iha Palasiu Prezidensial Nicolau Lobato, Bairu-Pite, Dili, 22/6.

Prezidente CDTL Interinu, Afirma, Ekipa halo hela diagnóstika ida ba iha funsionamentu Administrasaun Operasionál hotu iha 35 Federasaun Desportiva ne’ebé afilia hela.

Inocencio Araújo da Silva, realsa, Apoiu ne’ebé CDTL husu ba Xefe Estadu oinsá bele nafatin dezenvolve Desportu hanesan primeiru mandatu, atividade balun la’o ona, depois buka mós apoiu balun husi parte balun ne’ebé bele sai sponsor ba iha atividade desportu iha Timor-Leste.

Nia akresenta, Ekipa CDTL iha departamentu sira ne’e halo hela diagnóstika ida hodi haree funsionamentu organizasaun desportu sira ne’ebé eziste iha Timor-Leste, agora problema Sede ba iha Federasaun Desportiva sira ita hotu hatene iha regra ita atu ba rejistu iha Ministériu Justisa ida mak ita iha mapamentu ba iha Sede.

Nia hatutan se nia rejistu ona iha Ministeriu Justisa, entaun nia mapamentu ba Sede ne’e iha ona, se agora laiha tanba ne’e mak CDTL forma hela ekipa ida agora servisu hela halo diagnóstika ba iha Federasaun sira ne’ebé  afiliadu  ba federasaun internasionál.

Nia hateten, La’ós fatin de’it maibé rekursu ne’ebé Federasaun iha ita halo hotu diagnóstika atu hetan ida ne’ebé prioridade rekomenda ba governu hodi ajuda sira nia dezenvolvimentu iha Timor-Leste.

Nia haktuir, iha enkontru ne’e Xefe Estadu nafatin kolabora Federasaun Desportiva Timor-Leste, nafatin kolabora ho entidade Governu atu dezenvolve Desportiva Timor-Leste ba oin.

Print Friendly, PDF & Email

LEAVE A REPLY

Please enter your comment!
Please enter your name here