Home Notisia Governu Timor-Leste ho Nova Zelándia Asina Akordu Servisu Iha Setór Aero nian

Governu Timor-Leste ho Nova Zelándia Asina Akordu Servisu Iha Setór Aero nian

101
0
Ministru Transporte Telekomunikasaun (MTK) asina akordu servisu aéreo ho Governu Nova Zelandia. [Foto: David | 29.06.2022]

Reportajen David da Costa Gusmao

Governu Timor-Leste liuhosi Ministru Transporte Telekomunikasaun (MTK) asina akordu servisu aéreo ho Governu Nova Zelandia, atu fasilita transporte aero ba Timoroan no ema  estranjeiru.

Ministru Transporte no Komunikasaun  (MTK), Jose Agostinho dehan ohin governu Timor-Leste  asina akordu servisu aero iha faze finál ninia ho Governu Nova Zelándia, ida ne’e pasu importante iha dezenvolvimentu setór Aviasaun Sivíl nian, liuliu liga ba koletividade aero nian.

“Nia objetivu ne’e ida deit, oinsa maka asegura konaba atividade aéreo, para bele fasilita ita nia populasaun  tantu Timorense no mós etranjeirus, espesialmente ita nia populasaun  Nova Zelandia no mós Timor. No oinsa maka ita oferese meiu transporte ida ba sira hodi nune’e fasilita relasaun nasaun rua bele vizita malu, no mós oinsa maka ita bele fasilita atividade turismu ninia no  hase kresimentu ekonomika,” dehan Ministru MTK Jose  ba jornalista sira, iha salaun Nobre MNEK iha pantai kelapa, Tersa 28/06.

Portantu ida ne’e importante tebes ba Timor, ba futuru Timor nia setór sira seluk maka iha  liñas ministeriais sira seluk, hanesan Ministru Komérsiu Turizmu Indústria,  oinsa maka kria kondisaun iha rai laran, para  turista sira mai hodi bele atrai turista sira. Atu fasilita sira ho meiu transporte aéreo, ninia baze maka tenke iha akordu servisu aéreo nian.

“Asina akordu servisu aero ho Nova Zelandia, ida ne’e fo vantajen ba ita nia populasaun ne’ebe maka halo movimentu  uza meiu transporte aéreo, intermus de tiket horsida iha regras, entaun oinsa maka ita fó biban ida ita nia pasajeirus sira labele fo presu ida makaas  liu,” tenik nia.

Timor-Leste durante ne’e iha deit akordu servisu aéreo ho nasaun tolu no agora loke tan espasu ba nasaun sira seluk atu bele asina akordu servisu aéreo nian.

“Durante ne’e ita iha deit akordu servisu aéreo ho nasaun tolu, Indonesia Singapura no Australia. Ita loke tan espasu akordu servisu aéreo ho nasaun lubuk ida.  Hau asina akordu ho Uni Emeret Arab no Qatar no ohin  governu Nova Zelandia,” nia esplika

Print Friendly, PDF & Email

LEAVE A REPLY

Please enter your comment!
Please enter your name here