Reportajen David da Costa Gusmao
Peskizadór Oraganizasaun Naun Governamental, La’o Hamutuk, Mariano Ferreira hateten, Rede Hasatil no koligasaun Agrikultura iha Timor-leste, sempre halo objervasaun no peskiza ba serbisu ne’ebé Ministeru Agrikultura no Peska (MAP) no Ministru relevante sira halo, maske kada tinan governu aprova osan tokon ba tokon maibé Agrikultura iha Timor-Leste nungka sa’e no hadia Agrikultura iha rai laran.
Maske Kada tinan Parlamentu Nasionál (PN) aprova orsamentu tokon ba tokon, inklui mós Alokasaun ba setetór Agrikultura, iha setór Agrikultura ne’e parte balun ba MAP rasik, balun ba iha fundu infraestrutura, balun ba Zona Espesial Merkadu Oe-cusse nomós balun ba iha Munisipiu sira, ho objetivu sira atu hase produtu produsaun no produtividade rai laran
“Maske kada tinan-tinan aprova osramentu tokon ba tokon mas realidade ohin loron Agrikultór sira produsaun nafatin, produsaun nuka sae atu bele hadia ita nia agrikultura rai laran,” Peskizadór La’o Hamutuk Mariano Hateten, Liuhosi Komferensia Imprensa iha Hasatil farol, Kinta 13/10.
Alende ne’e mós nia ko’alia kona-ba programa sexta bazika, Populasaun la ezije governu hodi fahe ai-han maibé ida ne’e politika governu nian hodi fahe ai-han, mas programa sexta bazika agora ne’e komunidae barak maka kestiona no programa ne’e seidauk reponde ba nesesidade komunidade nian.
“Iha 2022 Governu aloka 88 miloens ba iha programa sexta bazika. ho objetivu programa ne’e atu fahe ai-han ba grupu ema vulneravel sira ne’ebé susar ai-han mas realidade ita haree iha kampu nafatin komunidade vulniravel sira nafatin kestiona kona-ba programa ida ne’e, i seidauk reponde loos ba nesesidade ne’ebé maka iha,” nia esplika
Nune’e mós Porta voz rede Hasatil no koligasaun Agrikultura iha Timor-Leste, Devina Veigas Sarmentu, hateten, Iha ámbitu politika cesta bázika nian, rede Hasatil no koligasaun Agrikultura iha Timor-Leste fó hanoin fali katak suporta ai-han tuir loloos orienta deit ba uma-kain sira ne’ebé vulneravel liu, ne’ebé Governu identifika ona nu’udár uma-kain sira ne’ebé hasoru hela problema inseguransa ai-han no malnutrisaun.
“Se ita kontinua fahe ai-han sein tarjetu ne’ebé klaru, programa sira hanesan sesta bázika sei habokur setór privadu sira balu, hasa’e rendimentu agrikultór balu ba tempu badak, maibé ita nia problema malnutrisaun nunka rezolvidu. Ita iha rekursu finansiamentu ne’ebé limitadu, no ita nia ekonomia depende maka’as ba Fundu Petroliferu nune’e la matenek se ita kontinua gastu sira ne’ebé tuir loloos presiza, bainhira ita fahe ai-han ba uma-kain sira ne’ebé la kuran ai-han,” nia hateten.
