Reportajen Joselina dos Santos
“Povu mak na’in ba ukun, no na’in ba desizaun polítika, atu hetan moris di’ak no asesu ba setór saude, infraestrutura báziku, Edukasaun no Inkluzaun Sosiál”, Virgilio Guterres.
Iha aprezentasaun deskobrimentu no rekomendasaun auditoria sosial ba setor saúde, infraestrutura báziku, edukasaun no inkluzasaun sosial, ne’ebe aprezenta husi Forum ONG Timor-Leste (FONGTIL), Provedor Direitu Umanus no Justisa, Virgilio da Silva Guterres hateten Sosiedade sivíl tenke sai hanesan komponente importante ida iha nasaun demokrátiku, atu kontinua fó hanoin ba governu hodi estabelese no harii hodi hakonu direitu povu nian.
Nia dehan FONGTIL tenke tau atensaun ba kualker programa governu no planu estratéjiku governu nian, tanba objetivu final mak atu tuir mandatu konstitusionál, ne’ebe fó obrigatóriu atu hakonu direitu ekonómiku sosiál no kulturál povu nian.
“Povu hanesan na’in ba ukun ba desizaun politika nasaun demokratika sira-nia direitu atu hetan moris di’ak. Povu mak refleta liuhusi liberdade atu espresa sira-nia hanoin direitu liberdade atu asesu ba sentru estasaun servisu ne’ebé estadu fó estasaun servisu ba Saúde, Edukasaun, Saneamentu ba Justisa no direitu sira ne’e mak atu sai objetivu kualker atividade governu nian”, dehan, Provedó Vírgilio da iha Salaun Hotel Timor, Sexta 16/02.
Nia Haktuir sosiedade sivil sai hanesan komponente importante ida iha nasaun demokratiku, no sai hanesan parseiru politiku katak kuandu nia parseiru ida halo buat laloos nia fó hanoin. Rezisrenténsia nia papel atu kontinua fó hanoin ba governu estabelese harii atu hakonu direitu povu nian.
“Iha Timor ita koalia de’it ba iha direitu sivil politika nian atu halo manifestasaun, direitu atu halo movimentasaun, maibe keta haluha tanba Timor ratifika ona ba direitu Ekonomiku sosial no kultural nomos direitu ba alimentasaun, bee moos saúde no edukasaun. Servisu ne’ebé FONGTIL ho membru no parseiru sira halo ne’e atu reprezenta hanesan mos liberdade ba joven sira atu hato’o opiniaun ho koranje atu kontinua halo servisu sosiais”, nia informa.
Nia konklui katak kada sidadaun tenke sai auditor ba ukun na’in sira ba Xefe Suco, Chefe Aldeia, Postu to’o Munisipiu. Sidadaun ida tenke sai autór ne’ebe se iha politika komunikador ne’ebé la tuir mandatu, la tuir konstituisaun tenke hato’o kritika no akompaña saida mak politiku sira koalia durante kampaña. Direitus Umanus mos hala’o nia servisu atu halo auditorial liuhusi submisaun ba entidade sira inklui entidade sira ne’ebé utiliza movimentu estadu nian.
