Reportajen Silvino Freitas
Polísia Nasionál Timor Leste (PNTL) liuhusi komandu munisípiu Likisá detein suspeitu na’in 3 ba akontesimentu kazu no’ak sasan iha loja xineza ida iha munisípiu Likisá, husi akontesimentu ne’e suspeitu sira konsege na’ok osan 7000, nune’e polísia komandu Likisá hetan informasaun husi loja na’in hodi halo kapturasaun ba suspeitu nain 3 no nain ida mak konsege halai lakon maibé komandu nafatin buka tuir, komandu mós konsege asegura sasan evidénsia sira ne’ebé suspeitu sira utiliza iha akontesimentu ne’e maka katana, sabit, karreta 2 inklui tali ne’ebé futu loja nain.
Liuhusi konferensia-imprensa portavoz PNTL Suprentidenti Antonio da Luz, esplika, iha loron 28 fulan marsu tinan 2024 iha madrugada tuku 3 dadersaan akontese sidadaun timoroan nain 4 ne’ebé tama iha loja xineza nian loja nain naran Huan Yon Chao, nunee sira tama ba iha loja hodi naok sasan iha loja laran, maibe antes atu foti sasan sira kesi tiha loja nain, nunee loja nain informa ba polisia sira iha Likisa no momentu nee polisia halo kedas atuasaun hodi kaptura suspeitu nain 3, iha nain 4 maibe ida halai lakon.
“sira nain 3 ne’e inisiál ET ne’ebé halo ona kazu ba dala lima tama sai komarka, inisial AM kazu ba dala rua no MMA ne’e halo kazu foin primeira vez,” dehan portavoz PNTL Antonio da Luz liuhusi komferensia-imprensa iha komando jeral PNTL Kaikoli Dili, (01/04).
Nia esplika tan, husi akontesimentu sidadaun sira ne’e konsege foti osan ho total 7000, 5000 osan tomak no 2000 osan rahun, husi akontesimentu ne’e mos sira lori sasan kro’at balun maka katana ida, sabit 2 inklui tali ne’ebé sira uza hodi kesi loja nain xineza, nunee husi parte seguransa mos prende evidensia sira maka karreta Landcruiser Prado ho kor silver ho xapa matrikula 23035 ho mos karreta marka mazda kor mutin xapa matrikula A12470 TL.
“dokumentus husi karreta rua nee dadaun nee asegura hela iha komandu munisipiu Likisa” esplika suprentidenti Antonio.
Nia dehan, prosesu ba kazu akontesimentu ne’e la’o hela polisia sei aprezenta suspeitu nain 3 ne’ebé polisia asegura hodi ba aprezenta iha tribunal atu bele tuir prosesu primeira interogatorio, prosesu nee sei akompana nafatin husi komandu munisipiu Likisá ho mos parte investigasaun polisia nian nunee bele lori too iha tribunal, nunee mos suspeitu ida ne’ebé halai lakon PNTL nafatin buka tuir hodi hein mandadu kapturasaun atu kaptura maibe parte polisia nian maka parte servisu sekreta no komandu munisipiu Likisá nafatin buka tuir suspeitu ne’ebé halai lakon ona.
“suspeitu ET hela fatin aldeia Tera-Santa, AM hela fatin aldeia Rosario, MM mós hela iha aldeia tera-santa suku Madohi postu administrativu Dom Aleixo munisipiu Dili, maibé sira nain 3 kaptura iha fatin ida de’it” konklui suprentidenti Antonio.
