Reportajen Silvino Freitas
Liu husi distribuisaun sirkular no tetu orsamentu 2026 ba ministeriu no instituisaun governu iha salaun auditorium Kairala Xanana Gusmão ministériu finansa ai-tarak laran, Ministra Finansa Santina Cardoso konsidera ejekusaun boot iha instituisaun governu nian maka salariu vensimentu kompara ho kapitál dezenvolvimento no sira seluk, nune’e mós nia preokupa ho saláriu vensimentu ne’ebé bo’ot liu reseita domestika.
Ministra Finansa Santina Cardoso dehan, orsamentu primeiru trimestre ninia ejekusaun barak liu iha salariu ne’ebé atinji too 20 30 pursentu maibé kategoria sira seluk bens servisu kapital menor transferensia publika normalmente fasil tanba transfere de’it ba benefisiariu no kapital dezenvolvimento ninia ejekusaun dalaruma 5 6 pursentu de’it, tanba planu ne’ebé iha ho rekursu iha tendensia sempre aumenta maibé ita hatene seitor públiku labele akodoma ema hotu atu sai hanesan kampu traballu bo’ot ida.
“Ita hotu iha responsabilidade hanesan atu asegura katak sira ne’ebé iha administrasaun públika ne’e ita bele halo nia prestasaun servisu di’ak ka lae, ita ko’alia kona-ba salariu ne’e rasik” dehan Ministra Finansa Santina Cardoso liuhusi intervensaun ba distribuisaun sirkular no tetu orsamentu 2026 iha salaun Ministeriu Finansa, (04/07).
Nia dehan tan, reseita domestika sein mina purvolta 250 milloes no salariu ba tinan 2025 482 milloes nee atu komparasaun reseita ho atividade ekonomiku ita nian atu auguenta administrasaun públiku ho prestasaun públiku normalmente tanba ita mos heta reseita ne’ebé ita halo hodi serví ba públiku, ne’e hatudu katak tendensia ne’ebé iha hela ne’e hodi haree fila fali ba adiministrasaun publika nune’e 2017 mai ohin ne’e nunka iha rekrutamentu funsionáriu públiku ajente administrasaun públiku mós aumenta uituan de’it.
“Entaun aumenta nee iha ne’ebé ita inventa kazuais númeru kazuais barak asesor nasionál mós barak maibé ita mos presiza nafatin asesor internasionál rekoñese situasaun sira ne’e hotu” dehan Ministra Finansa Santina Cardoso.
Nia konklui, komaparasaun funsionáriu kazuais ho adiministrasaun publiku sira nia funsionáriu públiku purvolta 30 mill resin exeptu PNTL ho F-FDTL maibé karik inklui PNTL ho F-FDTL maka ministra finansa sei selu ema 70 mill, nune’e iha redusaun ba tetu orsamentu ne’e ministra finansa mós halo analiza ida hafoin aprezenta ba konsellu ministru.
Nune’e, liu husi reuniaun konsellu ministro iha kuarta feira loron 2 fulan setembro preve orsamentu jerál estadu 1.85 billaun ba tinan 2026 ne’ebé aprezenta husi ministra finansa Santina Cardoso.
