Reportazen Santina Lucia da Costa
Primeiru Ministru Taur Matan Ruak kontinua halo enkontru regular ho Prezidente da Republika, Dr. Francisco Guterres Lu Olo. Hafoin remata enkontru ba jornalista Primeiru Ministru, Taur Matan Ruak hateten ne’e nudar enkontru semanal nian, hodi hatoo atividade governu nian, asumtu virus coron no situasaun estudante sira nia kondisaun.
Primeiru Ministru hateten, Virus corona seidauk akontese iha ita nia rai Timor, no dadaun ne’e estudante sira kondisaun di’ak hela, loron hira tan sira bele fila mai Timor. Sedauk hetan informasaun katak sira iha pozitivu ka lae.
Relasiona ho rezultadu enkontru lider istoriku sira ho Prezdente da Republika, iha loron 10/02, jornalista Neon Metin koko halo konfirmasaun karik PLP halo ona enkontru partidu balun, maibe Primeiru Ministru rasik hatan katak enkontru ohin loron nian nudar enkontru semanal Primeiru Ministru nian, “hau la mai koala partidu nian”.
