Reportazen Tome da Costa
Relasiona ho subsidiu $100 ne’ebe fahe ba kada uma kain, hamosu difikuldade iha suku balun. Neon Metin identifika katak iha suku Bebenok nudar suku foun, tanba antes ne’e Bebonuk parte hosi suku Comoro.
Bainhira Neon Metin halo entresvista ho Xefe Suku Bebenoku, Serafin Masedo hateten katak pagamentu halao ona hosi loron 9 Junhu, hanesan suku foun, total benefisiari ba subsidiu $100 hamutuk 2529 uma kain, ho montante orsamentu $505,800, ne’ebe distribui ona ba kada uma kain ba aldeia 5 iha suku Bebonok.
Xefe Suku informa katak Aldei Metin 1 ho total uma kain hamutuk 522 no aldeia Metin 2 ho total benefisiaria 260 no sei esforsu hodi halo pagamentu ba aldeia 5, iha loron 10 nia laran tuir planu ne’ebe governu prepara. Benefisiariu seluk hamutuk 1747, mak sei iha prosesu nia laran hodi simu subsidiu.
Serafin Masedo informa iha Aldeia Metin 1 remata ona, maibe iha familia uma kain 7 mak rezeita, tamba sira nia salariu boot liu husi 500 ba leten, tamba nee sira lakohi foti no sei iha 30 resin mak naran sai ona, maibe sira seidauk foti.
Relasiona ho naran ne’ebe sedauk tama iha lista iha sede suku Bebonik, hamutuk nain 48 xefe familia no sira halo ona reklamasaun iha aldeia Metin 1 no Metin 2 no governu esforsu iha loron 10 nia laran para bele resolve
