Home Notisia Delegasaun Sri Chinmoy Lansa Eventu Peace Run iha Timor-Leste

Delegasaun Sri Chinmoy Lansa Eventu Peace Run iha Timor-Leste

129
0
Lansamentu Peace Run Sri Chinmoy (foto: peacerun,org)

Reportajen Adroaldo “Saretukau”

Ekipa Sir Chinmoy Peace Run lansa eventu Peace Run iha Timor-Leste hodi kontinua fo mensajen dame nian. Sir Chinmoy, Fundador ba Peace Run, nia estátua mak hamrik hela Uma Fukun Parlementu Nasional nia oin hodi simboliza domin no dame.

Direktor Ezekutivu Peace Run, Salil Willson iha nia introdusaun hatete katak haksolok hamutuk ho kolega juventude hotu no nia dehan Timor-Leste iha fuan boot, domin boot no dame. Wilson mos hatete katak Fundador Sri Chinmoy fo opurtunidade ba povo atu expressa.

“Sri Chinmoy fundador hosi Peace Run ida ne’e, fó oportuidade ba povu mundu tomak atu espresa sira nia sentimentu konabá dame mundu ida ne’e. La preokupa ho nia relijiaun, background hosi ne’ebé, mai hosi nasaun ne’ebé, maibé hotu-hotu bele sai ajente ba dame mundu ida ne’e”, Wilson expressa lia hirak ne’e iha Salaun Leitura Xanana Gusmao, Dili, 7/02.

Marka prezensa iha eventu ne’e Koordenador Peace Run Indonésia, Raden Ayu Febry Dipokusumo. Delegasaun Peace Run hosi Indonesia ne’ebé la’o hamutuk ho sira atu habelar dame ida ne’e, iha nia intervista hateten, “Programa Peace Run ida ne’e ho objetivu atu habelar dame iha mundu tomak. Founder ba Peace Run ida ne’e mak Sri Chinmoy, no ahi-oan ida ne’e hahú lori iha tinan 1997 no hale’u ba iha nasaun 150. Iha tinan ida ne’e sira sei hale’u nasaun sira no Timor-Leste nasaun daruak depois de Indonézia”.

Dipokusumo mos hatutan tan dehan, “Timor-Leste hanesan nasaun ida ne’ebé totalidade tebes duni simu no bele servisu hamutuk hodi realiza program ida ne’e iha área sira Timor-Leste nian. Esperansa ne’e los duni, Timor-Leste sai hanesan ezemplu ida ba mundu, oinsá dame ida harii no espera povu Timor-Leste tomak bele tuir hamutuk Founding Father atu atinji lolós dame mundu nian”.

Marka mos prezensa iha eventu ne’e Manager Sala Leitura Xanana Gusmao nian, Gaspar Quntino Freitas. Gaspar esklarese katak, “Ohin mós ita halo ida ne’e atu fó hanoin fali ba ita nia sosiedade katak paz ne’e importante, maske ita nia moris lor-loron ne’e enfrenta difikuldade dezafiu moris oi-oin, maibé sempre iha korajen katak paz ne’e prosesu ida atu ita bele kria iha ita nia moris liu hosi prosesu ida ne’ebé fasil, kria ambiente ne’ebé mak iha relasaun di’ak ho ita nia maun alin sira. Tulun malu atu bele halo mundu ne’e hanesan ita hotu nian.”

Jovent feto ida ne’ebe partisipa iha eventu ne’e, Anita S. Lurdes hato’o katak depois de nia tuir eventu Peace Run, ha’u senti kontenti tanba ema ne’ebé ha’u nunka haree bele mai hamriik iha ha’u nia oin. Ohin loron sira bele mai iha uma mahon Xanana Reading Room, bele mai fahe buat ne’ebé sira hetan tiha ona. Ita hatene katak ita Timor ne’e moris iha konflitu nia laran, oinsá ema ida mai motiva ita atu nune’e ita sai hosi konflitu ne’e. Ho motivasaun hirak ne’e hotu ha’u senti kontenti tanba la’os muda total ita nia hahalok ne’ebé ita hasoru, maibé ne-neik ba be-beik ita sei sai hosi konflitu ida ne’e.

Membru Peace Run ne’ebé marka prezensa iha eventu ne’e mak hanesan mai hosi, Amérika, Puerto Rico, Índia, Japaun, Repúblika de Xeko, Slovákia, Austria, Guatemala, Austrália no Indonésia.

Iha eventu ne’e aktividade sira mak hanesan, hananu, halo meditasaun ho ahi-oan dame nian, aprezenta sentimentu de meditasaun, entrega sertifikadu no Livru ba Sala Leitura Xanana Gusmão. Livru ne’ebé hakerek poezia Sri Chinmoy nian.

Depois de Peace Run Timor-Leste sei kontinua ba Rejiaun Auntrália. No sei ba iha nasaun lubun balun no ikus sei fila fali ba iha Indonésia, Bali iha fulan novembru tinan ida ne’e.

Sri Chinmoy nia naran kompletu mak Chinmoy Kumar Ghose, moris iha Shakapura, iha Distritu Chittagong, Bangladesh. Nia mak leader spiritual ida ne’ebe hanorin meditasaun. Nia mak ator prolifiku ida, poeta, no muzikus. Iha nia moris tomak nia hanorin kona ba  dame nian. Nia mos koinesidu nudar ambadasor dame nian. Tanba dedikasaun ba dame nian mak halo nia hetan premiu lubuk ida inklui hetan Premiu Pilgrim of Peace iha 1998, Premiu Madre Teresa nian iha 2001. Sri Chinmoy mate iha tinan 2007.

LEAVE A REPLY

Please enter your comment!
Please enter your name here