Home Saude Herminio: Kria Lei Tenke Iha Sensivel Ba Jeneru, Mize: Edukasaun Sexual Labele...

Herminio: Kria Lei Tenke Iha Sensivel Ba Jeneru, Mize: Edukasaun Sexual Labele Hare Hanesan Tabu

392
0
animation konaba sex education. [Foto: Copyright Forbes | 29.02.2020]

Institutu Nasional Siensia Teknolojia [INST] realiza programa hodi promove peskiza no debate relasiona ho kaben sedu no isin rua sedu ne’ebe fo impkatu boot. Liu hosi seminar refere, mosu hanoin sira katak iha era digitalidade mosu problema inan sira soe bebe, tanba impaktu hosi joven feto sira isin rua ka kaben sedu.

Neon Metin halo entrevista ho Diretora FOKUPERS, Maria Jose Guterres hodi hare hosi prespektiva organizasaun feto nian, konaba kazu kaben no isin rua sedu tanba kestaun digitalidade? Ba Neon Metin naran konnesidu Mize ne’e hateten, problema mak bainhira ita nia hanoin konaba saude sexual, saude reprodutiva ne’e ema dehan tabu, maibe lolos ne’e tenke honestidade katak buat ne’e laos tabu. Ne’e hanesan siensia ida para atu hasae ema nia konsiensia, ema nia matenek, ema nia hanoin konaba situasaun, liu-liu ba violensia hasoru feto.

“Kuandu ita hare problema violensia hasoru feto no labarik feto, ita presiza hare hosi aspetu tolu ne’ebe importante, ita tenke hare hosi kauza violensia hasoru feto no labarik feto, ita mos tenke hatene fator ne’ebe kontribui, tanba sa violensia ne’e akontese ba feto no labarik feto, no ita mos tenke hatene katak impaktu hosi kauza sira ne’e, fo impaktu ba feto no labarik feto, hanesan isin rua sedu ou isin rua la ho konsentimentu, sira tauk no trauma no sira lakon futuru. Faktor ne’ebe kontribui mak sedauk iha konnesmentu ne’ebe klean, sedauk iha edukasaun sivika no informasaun konaba violensia hasoru feto no labarik feto”, esplika Mize iha edifisiu FOKUPERS, 28/02.

Diretora FOKUPERS hatutan diak liu ita implementa didiak ho Lei Violensia Domestika ne’ebe iha ona, iha Planu Asaun Violensia Bazea ba Jeneru, ne’ebe hakerek klaru ba indikador sira ne’ebe atinji, maibe problema orsamentu. FOKUPERS nia hare katak presiza halo revisaun ba Lei balun ne’ebe mak la fo benefisiu ba feto no labarik.

“Se mane nia prespektiva deit labele akomoda hotu asumtu ne’ebe mak feto no labarik feto sira infrenta, tanba asumtu konaba violensia bazea ba jeneru ne’e cross cutting issue ne’ebe tenke hare hosi aspetu barak, no feto nia lian mos importante atu fo hanoin”, hateten Mize

Iha hanoin hanesan hosi ativista ba igualdade jeneru Herminio Xavier ba Neon Metin via telephone katak koalia konaba atu kria Lei konaba joven kaben no isin rua sedu, ida ne’e tenke liu hosi prosesu halo peskiza, halo survey no konsultasaun, tanba ida ne’e kontra direitus humanus liga ho isin rua sedu.

La los se ita kria para prevene joven sira la kaben sedu. Lei tenke iha nia mekanismu, laos hare deit issue hanesan ne’e, ita koalia arbiru ona. Isin rua sedu ne’e laos buat salah ida, ita hare hosi prespektiva jeneru nian ita tenke sensivel liu-liu no labele kontra direitus humanus”, tenik Herminio

Herminio hatutan edukasaun sexual ne’e importante, familia idak-idak foti nia responsabilidade koalia aberta ba oan feto no mane maibe sosiadade labele komprende salah konaba edukasaun sexual ne’e, laos ita hanorin labarik sira atu halo relasaun sexual maibe koalia liu ba sira nia kortidaun ba iha tempu saida mak bele halo relasaun, iha saude reprodutiva ne’e ita hanorin oan sira atu respeita sira nia isin. Politiku nain ka membru governu ruma hasai statementu ida, no la liu hosi analisa ruma, ida ne’e susar tebes, keta kria fali Lei ida ne’ebe kontra fali direitus humanus

LEAVE A REPLY

Please enter your comment!
Please enter your name here