Home Notisia Refleksaun 30 Agostu, PR: Hamutuk Liberta Povu Hosi Kiak no Mukit

Refleksaun 30 Agostu, PR: Hamutuk Liberta Povu Hosi Kiak no Mukit

942
0
Prezidente Republika, Dr. Francisco Guterres Lu Olo. [Foto: Media PR | 28.08.2020]

Reportazen Zevonia Vieira

Liu hosi konsulta popular 30 Agostu 1999, Timor-Leste desidi nia ukun rasik-an hosi ukun kolonializmu. Prezidente Republika, Dr. Francisco Guterres Lu Olo hatoo nia lia menon, ba loron istoriku 30 Agostu katak, ita liberta ona Pátria maibe ita seidauk liberta ita-nia povu.

“Ita hakarak ita-nia oan sira atu moris ho haksolok, saúde diak ba eskola, han loron-loron, sai matenek tanba sira mak sei lori ita-nia istória luta husi jerasaun ba jerasaun. Sira mak ita-nia futuru no rai ida ne’e nian”, hateten Prezidente Republika, 28/08.

Prezidente hateten atu ida ne’e akontese, ita labele hasees ema ida husi prosesu dezenvolvimentu nasional, “ita hotu iha direitu hanesan, mane ka feto, katuas, ferik ka klosan ka labarik. Ita presiza haburas domin, dame no justisa sosial”.

Nia dehan Timor-Leste pertense ba timoroan hotu-hotu no ha’u Prezidente hotu-hotu nian no ba ema hotu.

Prezidentu husu ba ema hotu atu hamutuk fó onra ba ita eróis nia Pátria, ita rekoñese beibeik sira ne’ebé mate iha tempu luta.

“Ita fó respeitu ba ita-nia kombatente sira ne’ebé sei moris, ita hamutuk hametin ita nia Estadu Direitu Demokrátiku, mai ita hamutuk liberta ita nia povu husi kiak no mukit. Iha tempu ukun-an ita mós hahi ita nia érois sira ne’ebé luta ba Timor oan hotuhotu nia moris diak, hamutuk ita bele lori povu ba moris-di’ak”, hateten Lu Olo

Print Friendly, PDF & Email

LEAVE A REPLY

Please enter your comment!
Please enter your name here