Reportazen Adalgisa Pereira
Durante semana ida nia laran eskola sekundaria públiku Olocassa Ossú, hala’o aktividade limpeza jeral no mos iha kompetisaun oioin, hodi selebra dies natalis eskola sekundaria públiku Olocassa Ossú ba dala -18.
Komisaun organizadora, Bendito N.C.Alves hateten liu husi aktividade hirak hodi kria amizade entre professor ho estudante no mos finalista sira diak liu tan.
“Aktividade mak ami hala’o limpeza jeral, kompetisaun esperimentu ba pratika simples relasiona ho sira nia material, ne’ebe mak durante sira hetan iha prosesu apredizajen nia laran no iha debate foti topiku husi edukasaun civika koalia liu kona ba ita nia moris ka etika moral no koalia kona ba soberania”, dehan Bendito N.C.alves ba jornalista neon metin iha eskola sekundaria públiku Olocassa Ossú(24/10)s
Nia dehan liu husi aktividade ida ne’e mos fanu estudante ho mestre sira, atu disiplina tuir oras, estudante sira mos mai kumpri sira nia kna’ar.
Iha fatin hanesan estudante Aida A.da Costa hatoo sentimentu kontente ho aktividade ida ne’e, maibe iha parte seluk mos nia sente triste tamba tina 18 ona maibe fasilidade no infraestrutura sai nafatin problema ba sira.
Programa ne’e realiza tanba hetan apoiu no kontribuisaun hosi estudantes no profesores sira, no hetan partisipasaun hosi parokia Ossu no estudantes UNTL.
