Reportajen Santina Lucia da Costa
Komandante Jeral PNTL, Komisariu Faustino da Costa hasoru malu ho Prezidente Republika Dr. Francisco Guterres Lu-Olo hodi relata situasaun rai laran.
Hafoin enkontru, Komandante Jeral PNTL, Komisariu Faustino da Costa hateten iha hasoru malu ho Prezidente Republika, normalmente hato’o situasaun rai laran, situasaun lao di’ak, kalma, aprezenta mós liga ba estadu emerjensia nian lao hela, no saida maka PNTL halo, aliende ne’e, aprezenta mós, kazu ida sai preokupasaun públiku boot.
“Iha enkontru ne’e, husi Prezidente Repúblika dehan katak prosesu hotu la’o, buat hotu-hotu tuir lei ne’ebé iha, no PNTL kontinua hala’o serbisu,” dehan Komisariu Faustino da Costa ba Jornalista sira iha Palasiu Prezidensial, Nicolau Lobato, Bairu-Pite, loron, 10/6.
