Home Notisia Ato ‘Lekinawa’: Neon Metin nia Polítika Mak Defende Direitus Umanus no Ema...

Ato ‘Lekinawa’: Neon Metin nia Polítika Mak Defende Direitus Umanus no Ema Ne’ebé Vulneravel Liu

219
0
Neon Metin fasilita treinamentu iha centro juventude iha RAEOA. [Foto: Ato Lekinawa | 13.06.2022]

Xefe Redasaun Neon Metin, Ato Lekinawa Costa hato’o ba formandu ne’ebé partisipa iha treinamentu jornalizmu sidadania no seguransa dijitál, ne’ebé organiza hosi média Neon Metin katak, média Neon Metin nia polítika ida mak defende ema kbiit laek no sira ne’ebé vulneravel liu.

Xefe Redasaun Neon Metin hato’o ba partisipante sira iha Sentru Juventude Rejiaun Oe-cusse katak foin da-dauk Neon Metin akompaña hela kazu Topu Honis ba Pe. Richard Dascbach ne’ebé komete violasaun seksuál ba labarik sira ne’ebé hela iha Asrama Topu Honis, Neon Metin defende maka’as no kontra tebes asaun ka violasaun ne’ebé RD refere komete, ikus mai hetan duni kastigu.

“Iha Neon Metin nia polítika katak ita tenke defende ema ne’ebé mak ki’ik liu, kiak liu vilnerável liu. Hanesan eis Padre ne’e, sira ne’e boot liu, forsa liu, igreja iha tan kotuk, ema bo-boot iha tan kotuk, sira ne’e forsa liu. Entaun ita tenki ba defende ki’ik liu, kiak liu,” dehan nia iha centro juventude Oe-cusse, 12/06.

Nia dehan, iha notísia barak konabá ema boot nian, fasil atu hetan no dala barak sira presiza jornalista, maibé ema ki’ik ita mak tenki ba buka, sira nia terus ne’e iha ne’ebé, ida ne’e mak Neon Metin halo, dehan Xefe Redasaun Ato Lekinawa.

Print Friendly, PDF & Email

LEAVE A REPLY

Please enter your comment!
Please enter your name here